Nasaun 23 Konfirma Ona Prejensa Iha Kopa Mundial 2018

134

(boletim24.com) – Hamutuk 23 mak konfirma uluk ona sira nia prejensa iha Kopa Mundial 2018 nebe sei halao iha Russia, hafoin kompleta tiha jogu kualifikasaun iha Zona ida idak nian.

Sei falta deit fatin sia (9) nebe mak selesaun sira seluk tenki hadau hodi kompleta kuota nasaun 32 nebe sei partisipa iha jogu futebol mundial nee.

Hamutuk nasaun 12 mak sei hadau fatin 6 liu husi dalan Play Off.

Nasaun 8 husi Zona UEFA nebe mak tenki hadau fatin 4 liu husi dalan Play Off mak: Swiss, Italia, Denmark, Kroasia, Swedia, Irlandia Norte, Grecia no Republika Irlandia

Fatin rua seluk sei hadau liu husi jogu Play Off entre-konfederasaun husi nasaun 4, hanesan Australia (zona AFC), Honduras (zona COCACAF), Nova Zelandia (zona OFC) no Peru (zona CONMEBOL).

Alein kuota 6 nebe tenki hetan liu husi dalan Play Off, sei falta kuota 3 nebe pertense ba Zona Afrika. Husi Zona Afrika ou CAF nian, foin Egiptu no Nigeria mak konfirma ona sira nia prejensa iha Kopa Mundial 2018.

Egiptu konfirma ninia prejensa hafoin lidera klasifikasaun grupu E nian no Nigeria nebe lidera grupu B mos merese hakat ona ba Mundial 2018.

Kuota 3 ba Zona CAF nebe sei falta sei hadau husi nasaun sira nebe tama iha grupu A (Tunisia, Congo, Guinea, Libya), grupu C (Morocco, Ivory Coast, Cameroon, Algeria) no grupu D (Senegal, Burkina Faso, Gabon, Mali).

Tuir mai lista kompletu husi nasaun 23 nebe hakat uluk ona ba Kopa Mundial Russia 2018:

1. Rusia (Tuan rumah)
2. Iran (Zona Asia)
3. Korea Sul (Zona Asia)
4. Jepang (Zona Asia)
5. Saudi Arabia (Zona Asia)
6. Nigeria (Zona Afrika)
7. Egiptu (Zona Afrika)
8. Mexico (Zona Concacaf)
9. Kosta Rika (Zona Concacaf)
10. Panama (Zona Concacaf)
11. Brasil (Zona Conmebol)
12. Uruguay (Zona Conmebol)
13. Argentina (Zona Conmebol)
14. Colombia (Zona Conmebol)
15. Alemanha (Zona Eropa)
16. Inglatera (Zona Eropa)
17. Spanyol (Zona Eropa)
18. Belgia (Zona Eropa)
19. Polandia (Zona Eropa)
20. Serbia (Zona Eropa)
21. Islandia (Zona Eropa)
22. Fransa (Zona Eropa)
23. Portugal (Zona Eropa)

(Referensia: CNN)

FO KOMENTARIU