Nasaun 12 Tuir Play Off Ba Kopa Mundial 2018

135

(boletim24.com) – Nasaun hamutuk 23 mak konfirma ona sira nia prejensa iha Kopa Mundial 2018 nebe sei halao iha Russia.

Zona Afrika seidauk remata jogu kualifikasaun no sei falta fatin tolu ba selesaun tolu hodi partisipa iha iventu despostu nivel mundial nee.

Ba Zona sira hanesan UEFA, CONCACAF, AFC, OFC no CONMEBOL nebe remata ona jogu kualifikasaun, iha nasaun hamutuk 12 mak tenki tuir fali jogu Play Off hodi hadau tiketi neen (6).

Husi nasaun 12 nee, hamutuk nasaun 8 husi Zona UEFA nebe hetan estatus nudar melhor Runner Up no sei hadau tiketi 4 nebe sei disponivel ba zona nee.

Sorteiu ba jogu play off Zona UEFA nian sei halao iha fulan Outubru 2017 mai nee, no jogu sei hahu iha fulan Novembru nia laran.

Iha sorin seluk, reprejentanti husi Zona sira seluk sei halao jogu Play Off nee entre kada Konfederasaun.

Honduras nebe mak okupa pozisaun 4 iha zona CONCACAF sei joga hasoru Australia husi Zona AFC.

Nova Zelandia nebe mak nudar kampiaun husi ZOna OFC sei koko forsa hasoru Peru nebe mak okupa pozisaun 5 iha Zona CONMEBOL.

Hanesan bain bain, Jogu Play Off ba Zona UEFA no ZOna sira seluk sei halao dala rua, mak Home no Away.

Husi Konfederasaun Fotebol Mundial, Zona Afrika ou CAF deit mak la hetan previlejiu ba jogu Play Off baKopa Mundial 2018.

Zona UEFA: Swiss, Italia, Denmark, Kroasia, Swedia, Irlandia Norte, Grecia, Republika Irlandia
Zona CONCACAF: Honduras
Zona AFC: Australia
Zona OFC: Nova Zelandia
Zona CONMEBOL: Peru

(Referensia: CNN)

FO KOMENTARIU