AFF U18 CHAMPIONSHIP 2017: LAFAEK SUB-18 LAKON BA DARUAK

95
JOGADOR SELESAUN NASIONAL SUB-18 HETAN PRESAUN MAKAAS HUSI JOGADOR MALASYA

(boletim24.com) – Hafoin konsegue impata 1-1 hasoru Cambodia iha jogu daruak nebe halao iha loron 6 Setembru liu, selesaun lakon fila fali iha jogu datoluk nian hasoru Malasya, nebe halao iha loron 08 Setembru 2017.

Hanesan mos iha jogu dahuluk hasoru Thailandia, lafaek junior lakon ho skor hanesan, mak 0-3.

Selesaun TL sofre golu dahuluk liu husi falta konsentrasaun iha linha defensiva nebe permite jogador Malasya, Muhammad Akhyar Abdul Rashid, marka golu ba baliza nebe segura husi guarda-redi Fernando Da Costa.

Hafoin Muhammad nia golu ida nee jogador lafaek sira hahu fo presaun makaas liu tan ba Malasya hodi la fo espasu ba jogador oponenti atu domina demais bola.

Lafaek konsegue kria oportunidade balu, maibe nein Joao Soares nein Lourenco Ximenes konsegue konverte oportunidade sira nee ba golu.

Selesaun Malasya mak konsegue aumenta tan golu rua hodi kompleta rejultadu ikus 0-3 ba Timor-Leste.

Iha jogu tuir mai Lafaek Sub-18 sei hasoru Laos iha loron 10 Setembru 2017.

UMA NAIN   VIZITANTELORONORAS (OTL)
THAILAND3-:-0 TIMOR-LESTE04/0917H30
CAMBODIA1-:-1 TIMOR-LESTE06/0917H30
TIMOR-LESTE0-:-3 MALASYA08/0920H30
TIMOR-LESTE--:-- LAOS10/0917H30
TIMOR-LESTE--:-- SINGAPURA12/0920H30

 

FO KOMENTARIU