SEA GAMES KL 2017 – TAEKWONDO OFERESE TAN MEDALHA RUA, TOTAL MEDALHA 3 BA TIMOR-LESTE

99

(boletim24.com) – Modalidade Taekwondo husi Timor-Leste kontinua hakerek historia iha Sea Games 2017.

Atleta Sonia Martins Soares mak oferese dahuluk medalha Bronze ba Timor-Leste iha loron 28 Agostu, iha kategoria U-46KG.

La too nee deit, iha loron 29 Agostu 2017, atleta nain rua husi modalidade Taekwondo oferese tan medalha bronze rua ba Timor-Leste.

Atleta nain rua nee mak Nilton Lemos nebe hetan medalha bronze ba kategoria Flyweight 58Kg, no atleta Ana Da Costa iha kategoria Flyweight 49Kg.

Modalidade Taekwondo konsegue rejista prestasaun furak tamba bele oferese medalha 3 ba Timor-Leste husi total atleta nain 4 nebe kompete iha Sea games.

Atleta Claudio Musaco deit mak lakonsegue hetan medalha hafoin lakon ho atleta husi Malasya, iha kategoria kilograma 68.

ATLETA TAEKWONDO, CLAUDIO MUSACO, MASKE LAKONSEGUE MANAN MEDALHA IHA KATEGORIA 68kg, BELE HAMORIN ONA TIMOR-LESTE NIA NARAN…SUSESU LIU TAN IHA TEMPU OIN MAI | IMAJEN – PAJINA FB TAEKWONDO KONI TLS

PARABENS TAEKWONDO TIMOR-LESTE!! PARABENS BA ATLETA NO TREINADOR SIRA TAEKWONDO NIAN IHA SEA GAMES MALASYA 2017!!!

 

FO KOMENTARIU