MASTURBASAUN….TIPS BA MALUK SIRA NEBE HAKARAK PARA

216

(boletim24.com) – Kuaze ema hotu hotu, feto no mane, esperimenta ona halo masturbasaun no balu dala ruma sei halao nafatin.

Maske ema barak hateten katak masturbasaun mak dalan seluk diak liu nebe bele fo gostu ba nia aan no sei la hadaet moras ruma, maibe hahalok ida nee bele mos fo influensia ba ita nia saude mental no fiziku.

Iha ema balu nebe mak visiadu (‘ketagihan’) ho masturbasaun nunee hetan ona impaktu negativu husi hahalok ida nee iha tempu naruk.

Nunee, karik iha maluk balu nebe mak inklui iha grupu husi ema nebe visiadu ona ho masturbasaun maibe iha vontade atu para, maka tips sira tuir mai dala ruma bele fo tulun oituan:

1. Para ona halo browsing ba situs ou website ho konteudu pornografiku, inklui video no imajen aat sira nebe espalha iha media social hanesan Facebook, Instagram etc – hahu hadook aan husi website pornografiku sira no apaga hotu kedas fixeiru pornografiku nebe karik rai hela iha telemovel ou laptop ou komputador laran.

2. Hahu hatoman aan atu lee livru sira nebe iha konteudu kona ba relijiaun – wainhira lee bei beik livru sira kona ba relijiaun bele ajuda tebes ita atu hahu senti gostu lolos husi senti moris nian. Ita sei hahu senti moris foun wainhira hahu aprende atu hare moris husi aspetu seluk nebe diak no iha valor liu.

3. Hadook-an husi kolega sira nebe proativu ba sexu – Se karik ita moris iha maluk sira nebe proativu tebes ba sexu nia leet maka ita klaru sei hetan nafatin influensia, tan nee dalan diak liu mak hahu hadook an husi sira.

4. Firmi nafatin ba desizaun nebe foti ona – katak wainhira hakotu-lia ona atu hakarak para halo masturbasaun tenki firmi ho desizaun ida nee no ho pasiensia sei bele hetan rejultadu pozitivu.

5. Halo ou pratika izersisiu ou desportu – Hahu halo izersisiu bei beik atu nunee bele haluha no fo tempu barak liu ba atividade sira seluk nebe bele fo vantajen pozitivu. Desportu nudar atividade diak tebes nebe bele ajuda ita haluha hahalok aat sira nee.

MALUK SIRA HEIN KATAK TIPS SIRA NEE BELE TULUN ITA HADOOK AAT HUSI TENTASAUN ATU NAFATIN PRATIKA MASTURBASAUN!!!!

FO KOMENTARIU