LIONEL MESSI – “RONALDO MERESE HETAN PREMIU”

98

(boletim24.com) – Rivalidade entre Lionel Messi no Cristiano Ronaldo duranti nee nunka hotu, no jogador estrela nain rua nee susar atu rekonhese kualidade husi nia rival iha publiku nia leet.

Maibe estrela Barcelona hahu rende ba Cristiano Ronaldo hafoin kapitaun Portugal nee hetan tan premiu prestijiu rua husi organizmu ass liu futebol Europa nian, UEFA.

Ronaldo simu premiu prestijiu, UEFA Men’s Player of The Year 2016/2017, hafoin halakon kandidatu forti rua seluk, mak Lionel Messi no Gianluigi Buffon.

Alein premiu melhor jogador UEFA ba epoka 2016/2017, CR7 mos halakon Lionel Messi ba premiu UEFA Champions League FORWARD of THe Season 2016/2017.

Estrela Barcelona nee hatudu ninia desportivizmu hodi fo reajen pozitivu ba Ronaldo duranti serimonia entrega Premiu nebe halao iha Monaco.

Ho hamnasa, Messi kumprimenta Ronaldo hafoin simu premiu no fo komentariu pozitivu kona ba jogador Real Madrid nee ninia susesu.

“Ronaldo merese duni atu hetan premiu sira nee. Nia ho Buffon halao epoka nebe fantastika. Maibe, Ronaldo merese duni ba premiu sira nee tamba nia manan Champions League no marka golu nebe barak tebes, inklui marka golu rua iha final hasoru Buffon no Juventus. Hau tenki fo parabens ba Ronaldo tamba nia merese”, Messi hatoo ninia deklarasaun kona ba Ronaldo.

HEMMM, LIONEL MESSI REKONHESE ONA RONALDO NIA KUALIDADE, MAS OINSA HO MESSI NINIA FANATIKU SIRA?

FO KOMENTARIU