SE MAK PRIMEIRU-MINISTRU BA GOVERNU FOUN?

592
IMAJEN - AJENSIA LUSA IHA TIMOR-LESTE

(boletim24.com) – Hafoin halao soru-mutu ikus ho delagasaun husi KHUNTO, FRETILIN liu husi konferensia imprensa hatoo deklarasaun katak sei konvida PLP no KHUNTO hodi hahu halo negosiasaun ba plataforma governu foun nebe ‘solidu no seguru‘.

Fretilin hakotu lia atu halo negosiasaun ho PLP no KHUNTO tamba, tuir Mari Alkatiri, hafoin halao tiha soru-mutu ho partidu rua nee nia delegasaun, partidu estreante sira nee mak hatudu sira nia disponibilidade atu kolabora ho Fretilin.

“Ita labele lakon tempu liu tan. Governu foun tenki aprejenta orsamentu rua, mak orsamentu retifikativu ba tinan ida nee no orsamentu ba tinan 2018 nian”, Alkatiri kualia ba media sira, hanesan haktuir ajensia Lusa iha Timor-Leste.

Secretario-Geral Fretilin nee iha esperansa boot katak konversasaun ho PLP no KHUNTO bele hetan konkluzaun iha loron 7 ou loron 10 mai nee.

Kona ba ninia posibilidade atu okupa kargu primeiru-ministru, Mari Alkatiri hateten ba media sira katak “espetativa ida nee kualia ona ein jeral internamente no mos husi partidu sira nebe hakarak atu kolabora ho Fretilin”.

Kona fali ba formatu governu nian, se KHUNTO sei integra iha koligasaun ho Governu no PLP fo apoiu deit ba koligasaun nee iha nivel parlamentar, Alkatiri hateten katak sei halo negosiasaun ba opsaun sira nee hotu.

Falta agora, Fretilin halo audiensia ho xefi Estadu, Francisco Guterres Lu-Olo atu hatoo formalmente desizaun nebe partidu foti ona.

Iha sorin seluk, prezidenti PLP, Taur Matan Ruak, wainhira media sira informa asuntu nee iha fatin ketak, hatudu ninia sentimentu agradesimentu tamba biar PLP partidu nebe kiik no foin harii, hetan fiar husi partidu boot hanesan Fretilin atu halo negosiasaun kona ba plataforma governu foun nian.

 

FO KOMENTARIU