Orgaun Executivo Liga Futebol Amadora Loke Oportunidade Ba Klubu Foun

114

(boletim24.com), Media LFA-Dili – Ekipa Media husi Liga Futebol Amadora fo sai publikasaun iha ninia pajina ofisial media social hodi fo notifikasaun ba klubu foun sira nebe hetan ona verifikasaun husi LFA atu hatama dokumentus komprovativu klubu nian no mos lista jogador husi klubu ida idak.

Klubu sira nebe pasa ona verifikasaun husi LFA hamutuk 12, hanesan FC. LALENOK UNITED, FC. LURO IRMAOS UNIDOS, FC. LIQUICA, FC. IMANUEL, FC. LEOPA, FC. UNIDOS TOKODEDE, FC. KARAU FUIK, AS. LERO, FC. LERO, FC. LA. MATEBIAN, FC AIMO, FC. ESTUDANTE FITUN LOROSAE.

Tuir publikasaun nee katak, LFA fo deit prazu oras 48 ba klubu sira iha leten hodi kompleta rekizitus husi LFA.

Loron ikus liu ba klubu foun sira nee atu hatama dokumentus ba LFA mak Sabadu loron 22 Abril 2017, molok tuku 17.00 OTL.

Tuir informasaun, klubu foun hamutuk 12 nee sei partisipa iha kompetisaun ida nebe LFA sei organiza no halao iha Dili ho sistema VOTA FORA hodi bele promove ba Divizaun II.

Maibe publikasaun nee la fo informasaun klean kona ba posibilidade klubu hira husi 12 nee mak sei promove ba Divizaun II.

Baseia mos ba nota publikasaun nee katak LFA sei la distribui premiu ou taxa ba klubu foun sira nee, no mos sei la garante sustentabilidade husi klubu foun sira nebe sei la promove ba divizaun II.

Orgaun Executivo Liga Futebol Amadora sei la simu kualker klubu 12 nebe la kumpri prazu oras 48 nebe orgaun maximu LFA nee determina ona.

BOA SORTI BA KLUBU FOUN SIRA! HABURAS, PROMOVE NO DEZENVOLVE FUTEBOL IHA TIMOR-LESTE!

FO KOMENTARIU