EL CLASSICO 2017 JORNADA 2: HARE VIDEO KONA BA SOFRIMENTU, FALTA, KONFRONTASAUN, DIVING NO KARTAUN MEAN

23

(boletim24.com) – El Classico tinan ba tinan sempre sai jogu nebe adeptus hotu hotu iha mundu tomak hein atu assisti.

Duranti historia LA LIGA nian, El Classico, ou jogu entre Real Madrid no Barcelona, sempre hamosu tensaun no konfrontu makaas entre jogadores sira iha kampu laran ou mos entre adeptu husi klubu rua.

Jogador sira maske husi nasaun ida deit maibe defende klubu ketak ketak, sira halo konfrontasaun makaas duranti jogu El Classico nian.

Tinan ba tinan, iha kada epoka El Classico, mesmu iha tempu wainhira Luis Henrique (treinador Barcelona) no Zidane (treinador Real Madrid) sei ativu nudar jogador, sempre husik hela momentu furak, momentu konfrontu entre jogador sira, konfrontu entre ekipa teknika husi lubu rua, momentu komiku nebe halo ita hamnasa no seluk seluk tan.

El Classico daruak ba epoka 2016/2017 sei halao iha Estadio Santiago Bernabeu, segunda madrugada, loron 24 Abril, tuku 03.35 OTL.

Real Madrid sei halao jogu nee ho vantajen liu pontu tolu (plus menus jogu ida) ba Barcelona, no iha possibilidade boot hodi sai kampiaun wainhira manan El Classico nee.

Barcelona sei iha tristeza nia laran hafoin Juventus elimina klubu katalaun nee iha faze quartos-final Champions League.

Tuir mai bele hare video ona ba momentu furak no konfrontu entre jogador duranti El Classico sira nebe liu ona.

 

FO KOMENTARIU