Balansu LFA 2017 Divizaun I Too Jornada 5: AD SLB Produtivu Liu; Carsae FC, Karketu Dili FC no Cacusan FC Sofre Golu Oituan Liu

163

(boletim24.com) – LFA epoka 2017 Divizaun I nian nebe hahu iha loron 18 Fevereiru liu ba too agora kompleta ona jornada 5.

AD SLB no Cacusan FC mak taka jogu jornada 5 nian, nebe halao iha Estadio Municipal Dili iha loron 9 Abril liu ba.

Jogu entre ekipa rua nee tuir lolos halao iha loron 4 Abril iha Estadio Malibaca Maliana, maibe kansela tamba kondisaun Estadio iha momentu neba la permite hodi halao jogu nee.

Ikus mai LFA desidi hodi halao jogu nee iha Estadio Municipal Dili iha loron 9 Abril 2017, no hetan prejensa forti husi publiku no adeptus klubu rua iha Dili.

Cacusan FC mak manan jogu furak nee liu husi golu mesak nebe marka husi jogador indonesiu Moses Banggon iha minutu 17.

Hafoin kompleta tiha jornada 5, ita bele obzerva hamutuk katak AD SLB nudar klubu nebe produtivu liu iha divizaun I, tamba kampiaun LFA epoka 2016 nee marka ona golu hamutuk 9.

Husi total golu 9 nee, Joao Pedro nebe tuir notisia asina ona kontratu ho klubu Primeira Liga Portugal, Sporting Braga, marka golu 5 no nudar melhor markador too jornada 5, enkuantu golu 4 seluk marka husi Zeremias Batista, Nidio Alves, Nivio no Fernando Alves, ida idak marka golu 1.

Total golu 9 nee, AD SLB marka ba klubu sira hanesan: marka golu 3 ba Zebra FC (manan 3-1) iha jogu abertura iha Estadio Municipal Baucau (18 Fevereiru), marka golu 2 ba FC Porto (manan 2-0) iha jornada 2 iha Estadio Malibaca Maliana, marka golu 2 ba AS Ponta Leste (impata 2-2) Iha Estadio Malibaca Maliana iha jornada 3, no ikus liu marka golu 2 ba Academica fc (manan 2-1) iha Estadio Municipal Baucau iha jornada 4.

Maske nudar klubu nebe produtivu liu, klubu husi Laulara nee iha parte defensiva laos diak liu, tamba sofre kedas golu 5, sofre golu 1 husi Zebra FC, sofre golu 2 husi AS Ponta Leste, sofre golu 1 husi Academica no ikus liu iha jornada 5 sofre golu 1 husi Cacusan FC.

Klubu sira nebe too iha jornada 5 sofre golu oituan liu mak Carsae FC, Karketu Dili FC no Cacusan FC. Husi klubu 8 iha divizaun I, klubu 3 nee ida idak foin mak sofre golu 3.

Alein sofre golu menus liu iha divizaun I, klubu 3 nee mos nudar klubu favoritu atu sai kampiaun nebe seidauk lakon too iha jornada 5, wainhira klubu sira hanesan AD SLB, AS Ponta Leste no Academica sofre ona lakon jogu.

AD SLB lakon ona jogu ida (hasoru Cacusan FC iha jornada 5), Academica lakon ona jogu 2 (lakon hasoru AD SLB ia jornada 4 no lakon hasoru Karketu Dili iha jornada 5), no AS Ponta Leste lakon ona jogu 1 (lakon hasoru Carsae FC iha jornada 4).

Entre klubu kapital 3 nebe sofre golu menus liu nee, Carsae FC mak produtivu liu tamba marka golu 8 (menus golu ida deit ba AD SLB). Karketu Dili tuir kedas Carsae FC tamba marka total golu hamutuk 7, no Cacusan FC mak marka golu oituan liu, total foin mak marka golu 4.

AS Ponta Leste marka total golu nebe hanesan ho Carsae FC, golu 8 maibe klubu husi parte leste nee sofre kedas ona golu 4.

Maske sofre golu oituan liu, Cacusan FC iha parte produtividade golu sei kiik liu kompara ho Academica FC no Zebra FC, nebe ida idak marka ona golu 6, maibe klubu rua nee sofre golu barak liu; Academica FC sofre ona golu 5 no Zebra FC sofre golu hamutuk 8.

Ba Zebra FC, husi total golu 6 nebe marka ona too jornada 5, golu 4 oferese husi jogador tasi balu Marcos de Lima; nia marka golu 1 iha jogu abertura hasoru AD SLB, marka golu 2 hasoru FC Portu no marka golu 1 hasoru Cacusan FC.

Iha parte produtividade golu, klubu husi Becora nee liu deit golu rua ba klubu fraku liu iha divizaun I, FC Porto nebe foin mak marka golu 2 no sofre ona golu hamutuk 19.

FC Porto mak klubu divizaun I nian nebe la produtivu liu no mos parte defensivu fraku liu, tamba too iha jornada 5 sofre ona golu hamutuk 19 no seidauk manan jogu ida, alias pontu sei 0.

Nunee mos, too iha jornada 5, klubu nebe manan jogu barak liu mak AD SLB, manan jogu 3, tuir kedas ho Carsae FC no Karketu Dili FC nebe ida idak manan ona jogu 2.

Cacusan FC mos nudar klubu nebe impata jogu barak liu, total impata jogu 4, tuir kedas husi Carsae FC, Karketu Dili FC no AS Ponta Leste, ida idak impata jogu 3.

Ius liu, hare ba produtividade golu husi AD SLB nebe oferese barak liu husi Joao Pedro nebe parese atu husik ona klubu nee, mai ita hare hamutuk se AD SLB sei kontinua ninia estatutu nudar klubu produtivu ou lae.

Nunee mos ita hein katak, iha jornada sira nebe mai FC Porto bele hadiak ona ninia parte defensiva no ofensiva atu nunee bele hahu hetan ona pontu iha liga.

TABELA KLASIFIKASAUN DIVIZAUN I:

KLubuJMLEGMGSDGP
6411126613
63031761112
620475210
62139639
612310736
61326605
6132918-95
6150319-163

TABELA MELHOR MARKADOR DIVIZAUN I:

JOGADORKLUBUGOLU
Joao Pedro7
Alan Leandro5
Marcos de Lima5
Henrique Conceicao (Tingga)4
Antonio Vega4
Anguisso Barbossa3
Ricardo Maia3
Oligario Boavida3
Rofino Gama2
Ruben2
Yulius Mauloko2
Edit Savio2
Shota Tokonaga2
Fernando Asmaruf2
Nidio Alves2
Fransyatma2
Silveiro Garcia2
Antonio Ximenes1 (auto-golu)
Camilo Boavida1 (auto-golu)
Nidio Fraga1
Miguel Ximenes1
Nivio1
Lourenco Ximenes1
Venceslao Guterres1
Jose Oliveira1
Joao Perreira1
Fernando Alves1
Miguel Arcanjo1
Julio Ximenes1
Natanael Reis1
Jose Vides1
Moses Banggon1
Osvaldo belo1
Juvencio Castro1
Emilio Ribeiro1
Zeremias batista1
FO KOMENTARIU