Bayern Munchen – “Arbitru Prejudika Tebes Ami”

27

(boletim24.com) – Diretor-Jeral husi Bayern Munchen, Karl-Heinz Rummenigge husu ba UEFA hodi implementa lalais Video-Arbitru iha kada jogu iha kompetisaun UEFA nian.

Diretor-Jeral nee mos halo kritika forti ba arbitru husi Hungaria, Viktor Kassai nebe diriji jogu segunda-maun Champions League entre Rea Madrid ho Bayern Munchen nee.

Hafoin elimina iha faze Quartos-Final nee tamba lakon 4-2 hasoru Real Madrid iha periodu prolongamentu, Rummenigge hateten katak arbitru Kassai ninia desizaun balu prejudika tebes klubu husi Alemanha nee.

Tuir dirijenti klubu Bavarian nee, espulsaun ba Arturo Vidal tamba akumulasaun kartaun kinur lalos no golu rua (husi golu 3) nebe Cristiano Ronaldo marka iha jogu nee tuir lolos la vale tamba jogador portugues nee ia pozisaun off-side.

Arturo Vidal la kontenti ho desizaun arbitru nia nebe fo kartaun mean ba nian duranti jogu hasoru Real Madrid ba jogu segunda-maun quartos-final Champions League

Rummenigge hateten katak dezempenhu husi arbitru nee iha jogu halo jogador barak mak la kontenti, maske tuir lolos jogu nee konsidera espetakulu nebe emosionanti tebes.

“Hau kontenti tebes ho dezempenhu husi Hummels, Boateng, Lewandowski no Manuel Neuer iha jogu nee tamba sira hatudu jogu nebe kapaz tebes. Maibe, tristi tamba desizaun sira husi arbitru estraga tebes ami nia servisu makaas nee. Hau hirus tamba prejudika duni ami”, Rummenigge hateten.

Karl-Heinz Rummenigge, diretor-jeral husi Bayern Munchen hirus ho dejempenhu husi arbitru Kassai nebe diriji jogu segunda-maun Champions League iha Santiago Bernabeu
FO KOMENTARIU