Lewandowski Treinu Fali Ona No Prontu Joga Hasoru Real Madrid

55

(boletim24.com) – Robert Lewandowski nebe la joga iha primeira-maun Champions League entre Bayern Munchen hasoru Real Madrid tamba lezaun, hahu treinu fali ona ohin (domingu orariu lokal).

Lewandowski hetan lezaun wainhira joga hasoru Borussia Dortmund iha jogu kontinuasaun Liga Alemanha nian, loron hira antes halao jogu primeira-maun Champions League.

Maibe agora jogador nee rekupera total ona no prontu atu joga hasoru Real Madrid, iha jogu segunda-maun Champions League nebe sei halao iha Espanha.

“Hau diak los ona no kontenti tamba bele treinu fali ona”, Lewandowski kualia ba kanal televizaun klubu nian.

Iha jogu primeira-maun Quartos-Final Champions League nian hasoru Real Madrid, Bayern Munchen lakon iha nia uma rasik ho skor 1-2, ho golu rua husi Madrid nian Cristiano Ronaldo mak marka.

Bayern iha jogu difisil ba segunda-maun tamba sofre golu rua iha nia uma, maibe ho prejensa Lewandowski nia sei bele fo anin fresku ba Bavarian sira.

FO KOMENTARIU