ISCO – “HAU HAKARAK KONTINUA JOGA IHA REAL MADRID”

27

(boletim24.com) – Isco, nebe marka golu rua hodi tulun Real Madrid manan Sporting Gijon iha domingu madrugada OTL, hatoo fila fali ninia vontade hodi kontinua hela iha klubu Madrid, maske renovasaun ba ninia kontratu ho klubu nee seidauk realiza nafatin.

Isco hatudu ezibisaun nebe furak tebes wainhira tulun Real Madrid manan jogu difisil iha Gijon nia uma.

Real Madrid sofre desvantajen dala rua, no Isco mak marka golu impata 1-1 no mos marka golu importanti, golu manan nian iha minutu 90.

“Hau kualia fila fila ona katak hau hakarak atu joga iha klubu ida nee ba tempu barak.”

“Hau joga hela iha klubu nebe diak liu iha mundu, no dala barak liu jornal sira manipula fali hau nia lia fuan atu bele fo folin ba sira”.

“Hau tenki hatudu deit hau nia kapasidade iha jogu laran, no treinador mak foti desizaun”, Isco hateten lia fuan sira nee hafoin ajuda Real Madrid manan Sporting Gijon 3-2.

FO KOMENTARIU