Atletico Ultramar La Konsegue Manan Sporting Timor

22

(boletim24.com) – Atletico Ultramar sempre manan jogu tolu ikus, maibe wainhira iha jogu ba dala haat nian hasoru Sporting Timor, klubu husi munisipiu Manatutu nee hetan deit pontu ida.

Ida nee nudar impata dahuluk ba Ultramar iha epoka 2017 nian, enkuantu ba Sporting Timor rejultadu impata ida nee ba dala rua ona, hafoin iha jogu jornada rua nian impata 0-0 ho Aitana FC.

Iha jogu jornada 4 nian nebe halao iha loron 4 Abril, iha Estadio Municipal Dili nee, Atletico Ultramar lidera jogu too tempu deskansa liu husi golu nebe marka husi jogador Manuel Fernandes iha minutu 44.

Tama ba segunda parte, Sporting Timor konsegue halo impata jogu liu husi jogador Domingos Pires iha minutu 62.

Maske iha esforsu makaas husi jogador ekipa rua nian, maibe too jogu remata rejutadu 1-1 la muda, nunee Atletico Ultramar no Sporting Timor tenki fahe pontu ida ida ba malu.

Maske impata, Utramar kontinua lidera klasifikasaun pool B nian ho pontu 10, rejultadu husi manan dala tolu no impata daa ida.

Ia sorin seluk, Sporting Timor tenki tun ba pozisaun 3 ho total pontu 5, rejultadu husi manan dala ida, lakon dala ida no impata dala ida.

FO KOMENTARIU