Facebook Sei Tulun Utilizador Sira Hodi Identifika Notisia Falsu

74

(boletim24.com) – Kompanhia teknolojia boot husi EUA, Facebook, fo sai ona anunsiu katak sei tulun ninia utilizador sira hodi bele deskobre konteudu FALSU iha NEWS FEED.

Too agora, problema prinsipal ba utilizador Facebook nian mak notisia falsu sira nebe namkari iha redi social ida nee.

Notisia falsu iha Facebook nee rasik sai asuntu nebe hetan ema hotu nia atensaun iha mundu tomak hafoin eleisaun Prezidensial iha Estados Unidos America, nunee empreza teknolojia boot ida nee hahu buka solusaun hodi kombate notisias falsu sira nebe namkari iha redi social.

Facebook sei oferese ba ninia utilizador sira tomak maneira oinsa bele identifika notisia falsu sira.

Hahu iha Sexta-Feira nee, utilizador Facebook iha nasaun 14 sei bele hare publikasaun ida iha parte NEWS FEED nia leten ho mensajen nebe fo esplikasaun kona ba oinsa mak bele identifika notisia falsu sira.

Iha faze inisial ida nee, nasaun 14 nebe sei hetan funsionalidade ba indentifikasaun notisia falsu mak: Reinu Unidu, EUA, Alemanha, Franca, Italia, Filipina, Indonesia, Taiwan, Mianmar, Brazil, Mexico, Colombia, Argentina no Canada.

“Ami kontra makaas notisia falsu no ami hakarak atu kombate probema nee ho seriu”, dehan Vice-Prezidenti Facebook nian, Adam Mosseri, hanesan informa husi ‘Te Guardian’.

FO KOMENTARIU