Prezidenti Klubu Akumula Provizoria Funsaun Treinador Oferese Pontu 3 Dahuluk Ba Cacusan FC

92
Ekipa inisial Cacusan FC nebe manan AD SLB iha jogu ikus Jornada 5 nian | Imajen - FB Cacusan FC

(boletim24.com) – Jogu ikus Divizaun I nian ba Jornada 5 entre AD SLB hasoru Cacusan FC halao fali iha Dili iha Domingu, loron 9 Abril 2017 iha Estadio Municipal Dili.

Jogu nee rasik tuir lolos halao iha loron 2 Abril 2017 iha Estadio Malibaca Maliana, maibe komisaun organizadora jogu LFA nian disidi hamutuk ho klubu rua nee hodi kansela tamba kondisaun kampu nebe la permite atu realiza jogu nee tamba udan boot iha momentu neba.

Iha jogu Domingu lokraik, 9 Abril, adeptus tomak iha Dili nebe kleur ona la asisti jogu Divizaun I nian, tamba jogu ba Divizaun I nian halao iha Baucau no Maliana, senti kontenti ho realizasaun jogu furak entre kampiaun LFA Divizaun I no Divizaun II epoka 2016 nee.

Kuantidade adeptus nebe marka prejensa iha Estadio Municipal Dili barak tebes mak asisti jogu furak iha domingu lokraik nee.

Cacusan FC nebe provizoriamente treina husi Prezidenti klubu konsegue hatudu atrasaun furak iha kampu laran hodi fo animasaun ba adeptu tomak nebe nakonu iha EMD.

Jogador Cacusan FC husi Indonesia, Moses Banggon, halo adeptu tomak husi klubu Becora nee haklalak wainhira marka golu iha minutu 17.

Cacusan FC lidera nafatin jogu too tempu intervalu, liu husi golu nebe Moses marka.

Tama ba segunda parte, SLB liu husi jogadas oin oin buka hodi impata tiha jogu, maibe too jogu remata la iha golu ida mak jogador sira husi klubu Laulara nee konsegue marka ba baliza Cacusan FC.

Ho rejultadu ida nee, Cacusan FC hetan ona pontu 3 dahuluk, hafoin iha jornada 4 ikus sempre impata iha kada jogu nebe klubu nee partisipa.

Prezidenti Klubu, Joao Manico Amaral, nebe asumi hela funsaun provizoriu nudar treinador konsegue oferese pontu importanti dahuluk ba nia klubu, liu husi golu furak nebe Moses Banggon marka iha minutu 17.

Cacusan okupa pozisaun 4 iha klasifikasaun ho pontu 7, rejultadu husi impata dala 4 no manan dala 1.

Iha sorin seluk, maske sofre lakon dahuluk ia LFA 2017 nian ia jornada 5 nee, AD SLB kontinua lidera klasifikasaun ho pontu 10, rejultadu husi manan dala 3, impata dala 1 no lakon dala 1.

Klasifkasaun Divizaun I:

KLubuJMLEGMGSDGP
74031861215
7421127513
7205108211
7214107310
722311749
71331019-96
714267-15
7151622-164

Melhor Markador Divizaun I:

JOGADORKLUBUGOLU
Joao Pedro7
Antonio Vega5
Alan Leandro5
Marcos de Lima5
Henrique Conceicao (Tingga)4
Anguisso Barbossa3
Ricardo Maia3
Oligario Boavida3
MOSES NAZARETH ROMARIO BANGGO3
Ruben2
Armindo Almeida2
Edit Savio2
Shota Tokonaga2
Fernando Asmaruf2
Nidio Alves2
Fransyatma2
Silveiro Garcia2
Emilio Ribeiro2
Venceslao Guterres2
Rofino Gama2
Lourenco Ximenes2
Yulius Mauloko2
Antonio Ximenes1 (auto-golu)
Camilo Boavida1 (auto-golu)
Joao Perreira1
Fernando Alves1
Miguel Arcanjo1
Julio Ximenes1
Natanael Reis1
Jose Vides1
Nivio1
Osvaldo belo1
Juvencio Castro1
Miguel Ximenes1
Zeremias batista1
Rivaldo Correia1
Jose Oliveira1
Gaudensio Monteiro1
Nidio Fraga1

FO KOMENTARIU