LFA 2017 Divizaun I Jornada 5: Yulius Mauloko Marka Golu 2, Carsase FC Manan Porto FC 5-1

49
Imajen - Carsae FC

(boletim24.com) – Carsae FC haksoit kedas ba pozisaun 2 iha klasifikasaun hafoin iha jornada 5 manan Porto FC ho skor boot 5-1, iha jogu nebe halao iha sabadu kotuk, loron 01 Abril 2017, iha Estadiu Municipal Baucau.

Jogador tasi-balu Carsae FC nian, Yulius Mauoko, hahu mara golu iha minutu 24 hodi fo vantajen ba klubu Carascalao nian nee.

Kapitaun ekipa, Natanael aumenta vantajen ba Carsae iha minutu 29, molok Yulius aumenta tan golu 1 iha minutu 31.

JOse Vides hatodan liu tan servisu ba jogador Porto FC wainhira iha minutu 39 marka golu dala 4 ba Carsae maske sei iha primeira parte.

Jogador Porto FC, Fernando Asmaro konsegue hamenus desvantajen ba 1-4 iha minutu 42, maibe Carsae lidera nafatin jogu too tempu deskansa.

Tama ba segunda parte, esforsu tomak nebe jogador sira husi Porto halao, lakonsegue marka golu.

Ikus mai Edit Savio kompleta goleada ba klubu Taibessi nee hafoin marka golu iha minutu 75.

Rejultadu final 5-1 ba Carsae ajuda klubu nee haksoit kedas ba pozisaun 2 iha klasifikasaun ho pontu 9, rejultadu husi manan da 2 no impata dala 3.

Iha sorin selu, Porto FC kontinua la manan jogu too iha jornada 5, nunee tur nafatin iha pozisaun ikus liu ho pontu 0.

Too iha jornada 5, klubu husi Taibessi nee mos foin mak marka golu 2 no sofre ona golu hamutuk 19.

FO KOMENTARIU