LFA 2017 Divizaun I JOrnada 5: Alan Leandro Halakon Academica FC

151
Ekipa Inisial Karetu Dili FC hasoru Academica FC | Imajen: LFA

(boletim24.com) – Jogador tasi-balu, Alan Leandro tulun Karketu Dili FC manan Academica FC liu husi marka golu rua, iha jogu jornada 5 nian nebe halao iha Estadio Malibaca Maliana, iha loron 01 Abril 2017.

Alan hahu marka golu wainhira jogu foin mak halao duranti minutu 5 hodi fo vantajen diak ba Karketu Dili FC.

Jogador tasi-balu nee aumenta tan golu ba Karketu iha minutu 30, no too tempu deskansa klubu husi Kapital Dili nee lidera jogu ho sor 2-0.

Tama ba segunda parte, Academica buka hodi duni desvantajen golu 2 nebe sofre iha primeira parte.

Esforsu tomak nebe estudanti UNTL sira nee halo ikus mai hetan rejultadu wainhira Miguel Arcanjo marka golu 1 iha minutu 81.

Maibe, too jogu remata la iha tan golu ida mak jogador sira konsegue marka, nunee Karketu merese manan jogu ida nee ho skor final 2-1.

Ho rejultadu ida nee, Karketu Dili FC okupa pozisaun 3, ho pontu 9, pontu hanesan ho Carsae iha pozisaun runner up, maibe klubu husi Carascalao nee hetan diferensa golu nebe diak liu kompara ho Karketu Dili.

Iha sorin seluk, Academica tun ba pozisaun 5, ho pontu 5, rejultadu husi manan dala 1, lakon dala 2 no impata dala 2.

FO KOMENTARIU