Espluzaun Bomba Iha Estasaun Metro Iha Sao Peterburgu Hamate Ema Nain 10 Resin

81

(boletim24.com) – Iha segunda feira nee, pelu menus ema hamutuk nain 10 mak hetan oho no 39 hetan kanek wainhira akontese espluzaun bomba iha estasaun metro iha Sao Peterburgu, Russia.

Balansu ikus nebe hatoo husi ministra Saude Russia nian, Veronika Skvortsova, fo konfirmasaun katak espluzaun nee hamate ema nain 10.

“Akontese espluzaun ida iha estasaun metro Sennaya Ploshcdad. Tuir informasaun katak ema nain 10 mak hetan oho husi espluzaun nee, no ema lubu ida mak hetan kanek”, haktuir fonte polisia Sao Petersburgu nian ba ajensia notisia Russia TASS.

Komite Nasional Antiterorizmu halo konfirmasaun katak bomba artezenal ida nakfera iha karuajen ida nia laran, entre estasaun Tekhnologichesky Institut no Sennaya Ploshchad, iha mais ou menus tuku 14.30 oras lokal nian.

Autoridade sira husi Russia halo ona afirmasaun katak sei hahu loke investigasaun nebe iha relasaun ho terorizmu maibe sei la husik leet deit senariu seluk nebe mos bele sai orijen ba ezpluzaun nee.

Komisaun Inkeritu Russia nian fo garantia liu husi komunikadu imprensa katak investigador sira sei halo examinasaun ba cenariu hotu hotu ihs terenu.

Hafoin espluzaun akontese, Prezidenti Russia nian, Vladimir Putin, kualia kedas katak atentadu ida nee halao husi terorista sira.

Autoridade sira fiar katak autor husi atake ida nee husik hela bomba esplozivu iha karuajen laran no husik kedas fatin nee molok bomba nakfera.

FO KOMENTARIU