STAE LOKE FILA FALI RESENSIAMENTU ELEITORAL NO ATUALIZASAUN BAZE DADUS

164

(boletim24.com) – STAE informa iha ninia pajina media social iha loron 31 Marsu liu ba katak, hahu husi loron 3 Abril 2017, loke fila fali ona resensiamentu eleitoral no atualizasaun baze dadus ba sidadaun hotu hotu.

RESENSIAMENTU ELEITORAL

Resensiamentu Eleitoral halao ba sidadun sira nebe ninia idade too ona 16 ba leten, maibe antes nee seidauk tuir resensiamentu eleitoral.

Dokumentu sira nebe presija aprejenta wainhira ba halo resensiamentu mak hanesan tuir mai:

1. Deklarasaun Rezidensia Husi Xefi Suku
2. a. Sertidaun Batizmu ou Cedula ba sidadaun sira husi relijiaun seluk – kopia tahan ida           no aprejenta orijinal, ou
b. Sertidaun Nasimentu RDTL kopia tahan ida no aprejenta orijinal, ou
c. Bilheti Identidade kopia tahan ida no aprejenta orijinal

ATUALIZASAUN DAZE DADUS

Atualizasaun baze dadus halao ba sidadaun sira nebe antes nee tuir ona resensiamentu maibe hakarak atu atuliza fali sira nia dadus, hanesan:

1. Hadia Data Moris, hadia fatin moris ou hadia naran
2. Kartaun Eleitoral tohar, aat ou hakarak muda hela fatin

Dokumentus sira nebe presija aprejenta wainhira hakarak halo atualizasaun ba kartaun eleitoral mak hanesan:

1. Deklarasaun Xefi Suku ikus – ba eleitor nebe hakarak atu muda hela fatin
2. a. Sertidaun Nasimentu RDTL ou Passaporte Timor-Leste nebe Validu ou Bilheti                     Identidade RDTL – kopia tahan 1, ou
b. Sertidaun Batizmu ou Cedula ba sidadaun husi relijiaun seluk – kopia tahan 1
3. Deklarasaun Kartaun Lakon husi PNTL – ba sidadaun sira nebe ninia kartaun eleitoral lakon ona

RESENSIAMENTU ELEITORAL NEE OBRIGATPORIU, TAN NEE SIDADAUN HOTU-HOTU IHA OBRIGASAUN HODI PARTISIPA!

FO KOMENTARIU