LFA 2017 Divizaun I Jornada 4: Manan Porto FC, Karketu Dili FC Hadau Pozisaun Runner Up Husi Carsae FC

59
ekipa inisial husi Karketu Dili FC hasoru Porto FC | Imajen: karketu Dili FC

(boletim24.com) – Carsae FC nia pozisaun iha klasifikasaun Divizaun II nian tenki tun ba pozisaun 3 hafoin Karketu Dili FC manan Porto FC ho skor 3-0.

Hafoin impata jogu 3 ikus, Karketu Dili FC manan jogu ba dahuluk iha LFA 2017 wainhira iha jogu jornada 4 nian nebe halao iha domingo, 26 Marsu 2017, iha Estadio Malibaca Maliana, manan Porto Taibessi ho skor 3-0.

Jogador reforsu sira komesa hatudu sira nia dezempenhu diak ba klubu sidade Dili nee, hanesan Oligario Boavida, Osvaldo Belo no Antonio Vega nebe ida idak marka golu ida iha jogu nee.

Iha primeira parte, Karketu Dili FC lidera ona jogu ho rejultadu provizoriu 2-0, liu husi golu nebe marka husi Oligario Boavida iha minutu 16, no jogador Osvaldo Belo iha minutu 45.

Jogaor reforsu husi tassi-balu, Antonio vega, aumenta vantajen Karketu nian ba 3-0 liu husi golu nebe nia marka iha minutu 70.

Iha sorin seluk, klubu istimadu husi Taibessi kontinua la manan jogu too jornada 4. Porto rasik foin mak marka golu 1 no sofre ona golu hamutuk 14, nunee bele dehan katak parte defensiva no ofensiva husi klubu nee preokupanti tebes.

Ho rejultadu ida nee, Karketu Dili haksoit kedas ba pozisaun 2 ho pontu 6, menus pontu 4 husi lider klasifikasaun AD SLB.

Hafoin jornada 4, melhor markador ba Divizaun I kontinua lidera husi jogador AD SLB, Joao Pedro ho total golu 5.

Iha pozisaun 2 tuir kedas jogador Marcos de Lima husi Zebra FC ho total golu 4.

ha sorin seluk jogador Ricardo Maia husi Ponta Leste no Anggiso Barbosa husi Academica ida idak marka ona golu 3.

PARABENS KARKETU DILI FC, FORZA PORTO TAIBESSI FC.

FO KOMENTARIU