Tomas Cabral – “Vota Laos Obrigatoriu, Resensiamentu Mak Obrigatoriu”

231

(boletim24.com) – Vice-Ministru Administrasaun Estatal, Tomas do Rosario Cabral, duranti intrevista ida ho jornalista sira, nebe publika iha pagina media social STAE nian hateten katak Lei RDTL nian la obriga sidaudaun sira tenki vota iha eleisaun, maibe sidadaun hotu hotu iha obrigasaun hodi tuir resensiamentu.

Vice-Minsitro hatoo informasaun nee hodi hatan ba preokupasaun nebe mosu iha eleisaun presidensial nebe halao iha 20 Marsu liu ba.

Partisipasaun sidadaun iha eleisaun nee hamosu prekupasaun tamba sidadaun nebe la tuir votasaun hamutuk 214,337 (28,84%) husi total sidadaun 743,150 nebe tuir resensiamentu.

Eleisaun nee rasik tuir observador no lider sira nudar eleisaun nebe organiza ho diak liu desde Timor-Leste restaura ninia independesia iha 20 Maiu 2002 liu ba.

Kandidatu husi Fretilin, Lu-Olo mak manan eleisaun nee iha deit primeira ronda tamba hetan votu maioria ho total votus hamutuk 294,938 (57.08%) husi total votu validu 516,727.

 

FO KOMENTARIU