Rejultadu Ikus Apuramentu Munisipiu Husi STAE

8141

(boletim24.com) – Iha loron 21 Marsu 2017, STAE halo Apuramentu Munisipiu ba rejutadu eleisaun presidensial periodu 2017-2022.

STAE informa iha ninia pajina media social, agora dau daun mais ou menus tuku 9 kalan (loron 21 Marsu), katak Apuramentu rezultadu ikus husi sentru votasaun hotu iha Teritoriu Timor-Leste ho diaspora finaliza ona ho 100%.

Bazeia ba rejultadu nee kandidatu numeru sorteiu 1, Antonio Lopes ‘Fatuk Mutin’ hetan total votus 9,098 ou 1.76% husi total votus validu 516,727.

Kandidatu Lu-Olo, nebe pratikamente manan ona eleisaun nee iha primeira ronda, hetan total votus 294,938 ou 57.08%, no kandidatu Amorin Vieira hetan total votus 4,279 ou 0.83%.

Jose Neves hetan total votus 11,662 ou 2.26% husi total votantes, Jose Luis Guterres hetan votus 13,513 ou 2.62% no Angela Freitas hetan total votus 4,353 ou 0.84%.

Kandidatu Luis Tilman, nebe hafoin Debate Kandidatu Presidensial nebe CNE organiza iha loron 17 Marsu liu ba hetan simpatia husi publiku barak, hetan total votus 11,124 ou 2.15% husi total votantes nebe partisipa eleisaun iha loron 20 Marsu 2017.

Ikus liu, kandidatu husi PD nebe antes eleisaun tuir espetativa husi ninia apoiantes katak sei obriga Lu-Olo ba segunda ronda hetan deit total votus hamutuk 167,760 ou 32.47%, tan nee la iha ona opurtunidade ba kandidatu nee atu hakat ba segunda ronda tamba Lu-Olo manan maioria ona hafoin presidenti Fretilin nee kandidata nia aan ba dala tolu tui tuir malu.

Iha Eleisaun Presidensial Periodu 2007-2012 no 2012-2017, Lu-Olo sempre manan iha primeira ronda, maibe iha opurtunidade rua nee, eis guerilheiru nee lakon wainhira kompete iha segunda ronda.

APURAMENTU MUNISIPIU HUSI STAE

ELEITOR
REJISTA
ELEITOR
VOTA
VOTU
VALIDU
VOTU
NULU
VOTU
BRANKU
VOTU
REJEITA
VOTU
REKLAMA
LA
VOTA
743,150
(100%)
528,813
(71.16%)
516,727
(97.71%)
8,906
(1.68%)
2,910
(0.55%)
32
(0.01%)
238
(0.05%)
214,337
(28.84%)
9,098
1.76%
294,938
57.08%
4,279
0.83%
11,662
2.26%
13,513
2.62%
4,353
0.84%
11,124
2.15%
167,760
32.47%
FO KOMENTARIU