Rejultadu Sorteiu Quartos-Final Champions League

157

(boletim24.com) – Sorteiu ba faze quarto-final Champions League halao ona iha sede UEFA iha Nyon, Swiss, iha loron 17 Marsu 2017.

Bazeia ba rejultadu husi sorteiu, iha faze quartos-final Atletico Madrid sei hasoru Leicester City, Dortmund sei hasoru Monaco, Bayern Munchen hasoru Real Madrid no Juventus tenki hasoru dala ida tan Barcelona.

Rejutladu Sorteiu UEFA Champions League, faze Quartos-Final:

Atlético Madrid (ESP) – Leicester (ING)
Dortmund (ALE) – Mónaco (FRA)
Bayern (ALE) – Real Madrid (ESP)
Juventus (ITA) – Barcelona (ESP)

Tuir orariu, Juventus (ITA) v Barcelona (ESP) no Borussia Dortmund (GER) v Monaco (FRA) sei halao jogu primeira-maun iha loron 11 Abril 2017 no jogu segunda-maun iha loron 19 Abril 2017.

Bayern München (GER) v Real Madrid (ESP) no Atlético Madrid (ESP) v Leicester City (ENG) sei halao jogu primeira maun iha loron 12 Abril 2017, no jogu segunda-maun halao iha loron 18 Abril 2017.

Rezumu Bayern v Madrid

# Madrid-Bayern halao ona jogu kompetitivu hamutuk 22 iha Kompetisaun Taxa Europa nian, Madrid manan deit jogu 9 no Bayern manan jogu 11.
# Real Madrid manan ona jogu 3 ikus hasoru Bayern Munchen, inklui jogu semi-final iha epoka 2014/2014, momentu Real Madrid sei treina husi Carlo Ancelotti, nebe agora dau daun treina fali Bayern Munchen.
# Real Madrid manan Bayern Munchen iha jogu segunda-maun ho skor 4-0 iha Alienz Arena (Bayern nia uma).
# Tony Kroos jogador Real Madrid (eis Bayern Munchen) no Xabi Alonso jogador Bayern Munchen (eis Real Madrid) sei joga hasoru sira ida idak nia klubu antigu.

Rezumu Juventus v Barcelona

# Juventus no Barcelona hasoru malu iha final Champions League epoka 2014/2015, Barcelona manan ho skor 3-1.
# Juventus no Barcelona hasoru malu dala 7 ona iha jogu kompetitivu, Barcelona manan 3 no Juventus manan deit 2.
# Konfrontu ida nee halo Dani Alves sei fila fali ba Camp Nou.

Rezumu Atlético v Leicester

# Atletico Madrid manan ona konfrontu 3 ikus hasoru Leicester City iha kompetisaun taxa Europa nian.
# Atlerico manan ho agregadu 3-1 iha epoka 1961/1962, jogu faze dahuluk husi European Cup Winners’ Cup.
# Atletico mos manan Leicester City iha faze dahuluk UEFA Cup epoka 1997/1998, manan 2-1 iha Espanha no manan 2-0 iha Inglaterra.
# Atletico seidauk lakon wainhira joga iha nia uma hasoru klubu husi Inglatera (Manan jogu 5 no Impata jogu 5).

Rezumu Dortmund v Monaco

# Klubu rua nee seidauk hasoru malu iha jogu kompetitivu iha Europa
# Dortmun manan ona jogu 6, impata jogu 5 no lakon jogu 5, wainhira hasoru klubu husi Fransa.
Tuir mai Orairu Kompletu ba Champions League:

11/12 Abril: Quartos-Final, Primeira-Maun
18/19 Abril: Quartos-Final, Segunda-Maun
21 Abril: Sorteiu ba Semi-final, Iha Nyon, Swiss
2/3 Maiu: Semi-finals, primeira-Maun
9/10 Maiu: Semi-final, Segunda-Maun
3 Junhu: Final (National Stadium of Wales, Cardiff)

FO KOMENTARIU