Klubu Futebol Indonesia, Persib Bandung, Kontrata Eis Jogador Chelsea

129
Imajen - Twitter Persib Bandung

(boletim24.com) – Michael Essien, tinan 34, nebe joga ona ba Chelase, Real Madrid no AC Milan, asina ona kontratu tinan ida ho klubu Persib Bandung, Indonesia.

Iha mos opsaun atu hanaruk nia kontratu ho klubu Indonesia nian nee.

Klubu Indonesia nee halo ona konfirmasaun liu husi media social, Twitter, katak kompleta ona asina kontartu ho Michael Essien, no jogador mediu nee sei hatais kamizola numeru 5 iha nia klubu foun nee.

Michael Essien halao jogu hamutuk 250 iha kompetisaun hotu hotu duranti hela iha Stamford Bridge, molok transfere ba Real Madrid no hela iha kapital Espanyol nee duranti tinan ida nia laran.

Iha tinan 2014, jogador nee muda fali ba AC Milan no ikus liu joga iha Grecia, iha klubu Panathinaikos.

Wainhira kualia iha ninia aprejentasaun, Essien hateten katak ho ninia prejensa iha Persib Bandung nee bele dada jogador famozu barak liu tan ba Indonesia.

“Ida nee inisiu nebe diak ba futebol Indonesia nian no mos ba Persib Bandung”.

“Obrigado ba klubu tamba lori hau mai iha nee. Hau kontenti tebes no sei fo hau nia kualidade tomak ba klubu”.

FO KOMENTARIU