LFA 2017 Div I Jornada 3: Preview Porto FC vs Zebra FC

92
Jogador no Ekipa Teknika husi Zebra FC hasai foto hamutuk iha Estadio Municipal Dili | Imajen: FB Zebra FC

(boletim24.com) – Jogu LFA epoka 2017 Divizaun I nian atu tama ona ba Jornada 3.

Estadiu Municipal Baucau, iha sabadu loron 11 Marsu, sei sai fatin luta ba hadau pontu 3 dahuluk entre Porto FC no Zebra FC.

Klubu istimadu husi Taibessi no klubu Kuluguisa seidauk hetan pontu hafoin liu tiha jornada 2.

Porto lakon hasoru AS Ponta Leste ho skor boot 0-5 iha jogu jornada 1 no lakon tan iha jornada 2 hasoru AD SLB ho skor 0-2.

Miro Valdo ho nia kolega sira mos seidauk marka golu too jornada 2 remata.

Iha sorin seluk, klubu kuluguisa maske antes LFA hahu adeptu sira tau konfiansa boot katak sei hetan rejultadu pozitivu tamba hetan reforsu forti husi brazileiru nain 3, maibe too agora seidauk kumpri espetativa husi adeptus istimadu sira iha Timor-Leste, liu liu adeptus no publiku husi Munisipiu Baucau.

Iha jogu abertura, maske Marcos de Lima marka golu lais iha minutu 2, maibe Zebra FC tenki lakon pontu 3 importanti wainhira AD SLB mak ikus mai manan jogu nee ho skor 3-1.

Marco Silva (karuk), marka golu ba AS SLB iha minutu 2, iha jogu abertura LFA 2017 Divizaun I | imajen – LFA

Iha jogu jornada 2 nebe halao iha Estadio Malibaca Maliana, Zebra FC lakon tan ho skor 0-3 hasoru Academica FC.

Iha Jornada 3 klubu rua nebe okupa pozisaun ikus iha klasifikasaun nee sei hasoru malu iha Estadio Munisipal Baucau.

Bitleki ho nia kolega sira kaer estatus favoritu atu manan jogu nee no hadau pontu 3 dahuluk tamba jogu nee rasik halao iha Zebra FC nia uma no sei hetan prejensa maximu husi adeptus no publiku Baucau nian.

Alain tamba fator uma nain no prejensa maximu husi adeptus, Zebra FC mos favoritu hodi manan jogu nee tamba iha ekipa nebe diak liu kompara ho Porto FC.

Zebra mos iha motivasaun aas atu tenki manan jogu nee tamba klubu historiku husi Baucau nee mos hakarak mantein esperansa atu sai kampiaun ba LFA epoka 2017.

Tan nee Zebra FC la iha dalan seluk alein tenki hetan pontu 3 iha jogu ba jornada 3.

Iha sorin seluk, Porto FC maske laos favoritu maibe sei fo rejistensia makaas ba uma nain.

Hare ba estatistika no kuantidade golu nebe klubu Taibessi nee hetan iha jornada 1 (0-5 hasoru AS Ponta Leste) no jornada 2 (0-2 hasoru AD SLB), bele dehan katak parte defensiva hahu hetan progresu diak.

Maibe, parte produtividade ba golu sei iha duvida boot nia laran tamba Porto FC nudar klubu mesak nebe seidauk marka golu too jornada 2 remata.

Tuir prediksaun Zebra FC sei manan ho skor mihis hasoru Porto FC.

Boa sorti ba Porto FC no Zebra FC!

Jogu Ba Jornada 3:

1-4Est. Munisipal Baucau11/3
0-0Est. Munisipal Baucau12/3
0-0Est. Malibaca Maliana11/3
2-2Est. Malibaca Maliana12/3

Tabela KLasifikasaun:

KLubuJMLEGMGSDGP
6411126613
63031761112
620475210
62139639
612310736
61326605
6132918-95
6150319-163

Melhor Markador Provizoriu:

JOGADORKLUBUGOLU
Joao Pedro7
Alan Leandro5
Marcos de Lima5
Henrique Conceicao (Tingga)4
Antonio Vega4
Anguisso Barbossa3
Ricardo Maia3
Oligario Boavida3
Rofino Gama2
Ruben2
Yulius Mauloko2
Edit Savio2
Shota Tokonaga2
Fernando Asmaruf2
Nidio Alves2
Fransyatma2
Silveiro Garcia2
Antonio Ximenes1 (auto-golu)
Camilo Boavida1 (auto-golu)
Nidio Fraga1
Miguel Ximenes1
Nivio1
Lourenco Ximenes1
Venceslao Guterres1
Jose Oliveira1
Joao Perreira1
Fernando Alves1
Miguel Arcanjo1
Julio Ximenes1
Natanael Reis1
Jose Vides1
Moses Banggon1
Osvaldo belo1
Juvencio Castro1
Emilio Ribeiro1
Zeremias batista1
FO KOMENTARIU