Dezempenhu Jogador Tasi-Balu Nian Iha Divizaun I LFA 2017 Hafoin Jornada 2

416

(boletim24.com) – Jogador husi tasi-balu lubuk ida mak mai haforsa klubu sira iha Divizaun I.

Jogador tasi balu sira nee mai husi nasaun haanesan Brazil, Indonesia no Chile hodi haforsa klubu sira nebe iha forsa finansial hanesan Carsae FC, Cacusan FC, Karketu Dili FC, AS Ponta Leste no Zebra FC.

Entre jogador sira nee, too iha jogu Jornada 2 nian, iha jogador nain 3 mak konsegue marka ona golu ba ida idak nia ekipa.

Marcos de Lima, husi Brasil nebe joga iha klubu Zebra FC marka golu ida iha jogu abertura LFA 2017 entre klubu Baucau nee ho kampiaun LFA 2016, AD SLB Laulara.

Jogador brazileiru nee marka golu iha minutu 2 primeira parte, nudar golu dahuluk LFA 2017 nian no mos provizoriamente nudar golu ‘mais rapido‘ iha jogu ida.

Marco de Lima (karuk), marka golu ba AS SLB iha minutu 2, iha jogu abertura LFA 2017 Divizaun I | imajen – FB Media LFA

Jogador tasi balu seluk nebe marka ona golu ba nia ekipa mak Alan Leandro, husi Karketu Dili FC, nebe marka golu ida iha jornada 1 hasoru Carsae FC.

Alan Leandro (liman karuk) selebra golu nebae nia mara ba Carsae FC iha Estadio Malibaca Maliana – Imajen: FB Media LFA

Jogador tasi-balu ida tan nebe marka ona golu mak Shota husi AS Ponta Leste, nebe marka golu 1 wainhira nia klubu manan Porto FC ho skor boot 5-0, iha jogu jornada 1 iha Estadio Municipal Baucau.

Shota Tokunaga duranti jogu ida hasoru Karketu Dili FC iha jogu LFA epoka 2016

Entre jogador nain 3 nee, Marco Silva husi Zebra FC mak seidauk hetan sorti diak tamba ninia ekipa lakon ona jogu rua tui tuir malu no tur hela iha pozisaun 7 iha tabela klasifikasaun.

Iha jogu ba jornada 2, entre Zebra FC no Academica FC, nebe halao iha Estadiu Malibaca Maliana, maske konsegue produz jogadas perigozu balu, maibe ninia ekipa lakon ho skor boot 3-0.