Google Kontinua Habelar Feramenta Fact-Check Hodi Luta Kontra ‘Notisia Falsu’

180

(boletim24.com) – Google hahu halo lansamentu ba Feramenta FACT-CHECK iha fulan Outubru 2016 liu iha Estados Unidos America, hodi halo filtrajen ba notisia falsu sira.

Agora, empreza boot teknolojia nee halao tan lansamentu ba feramenta refere iha nasaun 3, mak Argentina, Brazil no Mexico, nudar komitmentu atu kombate notisia falsa nebe kontinua buras iha internet.

Liu husi feature ida nee, utilizador sira bele hetan informasaun direta se notisia nee falsu ou lae, wainhira halao peskiza ba notisia iha Google.

Ho lansamentu ida nee mak, feature ida nee sei disponivel iha Rejultadu Peskiza Google News iha Argentina, Brazil no Mexico.

Google no Facebook duranti nee simu kritika makaas tamba notisia falsu sira nebe kontinua habelar no buras iha media komunikasaun rua nee.

Empreza boot rua husi Estados Unidos nee halo ona komitmentu atu luta hasoru problema notisia falsu.

“Ami tenki hare problema notisia falsu sira nee no seriu tebes. Ami hanoin ona saida mak ami tenki halo hodi kombate problema nee”, Xefi Komersial Google nian, Philipp Schindler, hateten duranti konferensia ida.

FO KOMENTARIU