Pep Guardiola Fo Avizu Ba PSG

194

(boletim24.com) – Hafoin Barcelona lakon ho skor boot 0-4 iha jogu first leg Champions League, Pep Guardiola fo avizu kedas ba PSG.

Pep Guardiola hateten katak iha posibilidade atu Barcelona rekupera fali desvantajen golu 4 nebe klubu katalaun nee sofre husi PSG.

“Barcelona bele rekupera fali golu 4 nee”, eis treinador Barcelona nee hateten.

“Rejutado ida nee halo ema hotu hakfodak. kompetisaun ida nee (Champions League) susar tan nee klubu ida bele manan ou lakon ho skor boot, hanesan mos akontese ona ba hau. Maibe, sei iha tan minutu 90 no buat hotu bele akontese”, Guardiola halo afirmasaun.

Tuir Guardiola, maske hetan kritika oin oin, Barcelona nafatin ekipa nebe diak no forti liu iha mundu.

“Barcelona domina tebes futebol duranti tinan 10 ikus, tan nee normal wainhira ema halo kritika tamba sira hakarak atu Barcelona mantein ninia nivel aas”.

“Hau nia konselhu ba Luis Henrique (treinador Barcelona) no jogador sira mak la presija kualia barak maibe hatudu nafatin dezempenhu diak iha kampu laran”.

FO KOMENTARIU