TL Aprezenta Relatoriu CEDAW Datolu ba ONU

59

(boletim24.com), DILI – Timor – Leste liu husi Sekretaria Estadu Mulher (SEM) hato’o tiha ona relatoriu Convention on Elimination and Discrimination Against Woman (CEDAW) datolu (III) ba Organizasaun Nasoens Unidas (ONU) kona – ba situasaun igualdade jeneru iha rai laran.

Governu Timor – Leste hahu hato’o relatoriu CEDAW ba ONU iha tempu Sekretaria Estadu ba Promisaun Igualdade (SEPI) iha tinan 2015.

Rede Feto organiza tiha ona workshop ida hodi dezamina informasaun kona – ba observasaun final ba relatoriu CEDAW.

“Relasiona ho ita nia partisipasaun maluk feto sira iha area rural, sub-importante ida mak ita nia governu hamutuk ho parseiru sira ne’ebé servisu hela atu bele mós hasa’e partisipasaun feto liu-liu iha nivel lideransa lokal hanesan Xefe Suku, Xefe Aldeia nomos delegada iha konsellu suku entaun igualdade jeneru ne’e importante ba ita hotu”, hatete Diretór Jeral SEM, Amandio da Silva ba jornalista sira iha salaun Fundasaun Alola Kaikoli-Dili, foin lalais.

Feto sira bele hadia sira nia moris liliu iha ekonomia nian tanba ne’e mak tenke apoiu ba grupu feto sira ne’ebé mak identifikadu atu bele hala’o sira nia atividade sira ne’e hodi dezemvolve sira nia-an iha uma laran atu hadia ekonomia uma laran nian.

Iha fatin hanesan, Prezidente Board, Judite Dias Ximenes hatete, objetivu hosi workshop ne’e atu sosializa buat ne’ebé mak importante ba nasaun TL tanba nasaun adopta ona konvensaun ida ne’ebé atu halakon formas diskriminasaun oi-oin hasoru feto ka konhesidu liu mak CEDAW.

“Estadu hotu ne’ebé mak ratifika konvensaun internasional sira ne’e entaun ita adopta ona estadu ninia obrigasaunne’ebé mak periodikamente kada tinan haat tenke hato’o ita nia relatoriu ba iha komite CEDAW konaba ninia implementasaun”, hatutan Prezidente Board ne’e.

Iha tinan 2009, estadu TL liuhosi Sekrétariu Estadu ba Promosaun Igualdade (SEPI) aprezenta relatoriu CEDAW primeira vez ba komite CEDAW no iha Novembru 2015 estadu TLliuhosi Sekrétariu Estadu para Apoiu Sosiu Ekonomia da Mulher (SEM) hato’o relatoriu ba segundu nomos terseiru periodik ba komite CEDAW.

Rede feto TL hanesan organizasaun subrinha ne’ebé mak focus servisu hodi halo advokasia ba igualdade jeneru no iha mós papel ida hodi hato’o relatoriu sombra ba komite CEDAW hosi perspetiva sosiadade sivil.

Tanba ne’e, sosiadade sivil parte ida ne’e mak importante ba dezemvolvimentu ba rai ida ne’e nomos sai hanesan save atu promove igualdade jeneru iha TL no asegura katak laiha diskriminasaun iha area hotu-hotu liu-liu ba feto sira nia partisipasaun no benefisiu ba nasaun ida ne’e. (ino)

FO KOMENTARIU