FIFA Hanaruk Kastigu Ba Sekjen FFTL, Amândio de Araújo Sarmento

380

(boletim24.com) – FIFA, liu husi publikasaun iha ninia website, hateten katak sei hanaruk kastigu nebe Komisaun Disiplinar Konfederasaun Futebol Asia (AFC) hamonu ona ba Sekretariu-Jeral FFTL, Amândio de Araújo Sarmento, tamba halo falsu dokumentu ba jogador naturalizasaun falsu husi Brazil hamutuk nain 12 hodi reprejenta selesaun Timor-Leste iha kompetisaun internasional.

Website ofisial FIFA nian nee haktuir mos katak, baseia ba artigu 136 Kodigu Disiplinar FIFA nian, Xefi Komisaun Disiplinar husi FIFA foti ona desizaun atu hanaruk kastigu tinan 3 nebe AFC hamonu ba SekJen FFTL atu la involve kualker atividade nebe iha relasaun ho futebol.

Xefi Komisaun Disiplinar FIFA nian hatoo ona notifikasaun ba entidades relevantes kona ba desizaun ida nee.

AFC hamutuk ho FIFA hahu loke investigasaun ba kazu falsifikasaun dokumentu nebe involve lideransa FFTL nian iha fulan junhu tinan kotuk.

Hafoin simu tiha relatoriu husi AFC, FIFA mos halao ona prosesu atu kompleta investigasaun ba kazu ida nee.

FO KOMENTARIU