Marco Silva – Baucau Nia Klima Kapaz Los

232

 

(boletim24.com) – Marco Silva, jogador foun Zebra FC husi Brazil, wainhira dada lia ho boletim24.com iha media social, senti kontenti ho klima husi sidade Baucau, ninia sidade no ninia uma foun pelu menus duranti fulan hirak ba oin duranti kompetisaun LFA Divizaun I epoka daruak.

Marco Silva iha espektativa katak sei bele halo adaptasaun lalais ho nia kolega ekipa foun  sira iha Zebra FC no hakarak tulun klubu kuluguisa hetan rejultadu diak iha LFA Divizaun I.

Jogador medio ofensivu nee hakarak tebes atu hatudu ninia kapasidade iha kampu laran atu bele manan adeptus fanatiku husi Zebra FC nia laran.

Marco nebe rona ona historia Zebra FC nian husi ninia kolega ekipa sira, hakarak atu ajuda klubu husi sidade Baucau nee hakerek fali historia furak foun hanesan historia furak barak nebe Zebra FC alkansa ona iha tempu uluk.

Marco Silva hamutuk ho nia kolega Pablo no Filipe, hakarak atu dedika sira nia aan tomak ba Zebra FC nebe fo fiar ona sira atu reforsa klubu nebe iha epoka kotuk joga iha LFA Divizaun II nee.

Tuir mai informasaun balu kona ba Marco Silva, nebe iha fulan hirak liu ba konsegue mai treina iha AS Ponta Leste.

Marco Silva, medio ofesivu, jogador foun husi Zebra FC hasai foto iha Estadiu Baucau

Naran Kompletu – Marcos de Lima Silva
Loron Moris – 22 Fevereiru 1992
Fatin Moris – Costa Rica – MS/Brazil
Klubu Antigu – São Carlos FC – Sao Paulo, Osvaldo Cruz FC -Sao Paulo, AS. Ponta Leste – TL
Klubu Atual – Zebra FC
Pozisaun – Medio Ofensivu

FO KOMENTARIU