Tama Kadeia Tinan 60 Tamba Insulta Lider Iha Facebook

157

(boletim24.com) – Jornal notisia husi Thailandia halo publikasaun kona ba sidadaun Thailnadia ida nebe hetan sentensa tama kadeia tinan 60 tamba insulta ‘Liurai’ Thailandia iha Facebook.

Phongsak S nebe utiliza naran Sam Parr iha Facebook tenki tama kadeia duranti tinan 60 tamba mensajen 6 nebe nia posting iha Facebook.

Sam Parr simu kastigu husi tribunal militar Thailandia nian tamba kontra artigu 112 husi Lei kodigu penal Lese Majeste (Anti-Royal Insult) no Seksaun 14 husi Lei Computer Crimes.

Hafoin Sam Parr konfesa nia sala, tribunal hamenus nia kastigu ba metade, tinan 30.

Thailandia nia Lei Anti-Royal Insult entidade barak mak konsidera la iha relevansia ona no iha tendensia represivu maibe governu nebe hetan apoiu husi militar nafatin insisti katak lei ida nee nesesariu nafatin atu proteje monarkia Thailandia nian.

Phongsak ‘Sam Parr’ publika iha Facebook mensajen 6 inklui fotografia entre fulan Setembru tinan 2013 no Novembru 2014.

# MASTURBASAUN SALA OU LAE TUIR RELIJIAUN KRISTAUN?

Fotografia hamutuk ho textu nakonu ho insultu nebe Sam Parr posting iha Facebook mak fotografia husi ‘Liurai’ Thailandia nian no eis ‘Liurai’ Thailandia nebe mos nudar maun husi ‘Liurai’ Thailandia.

Fotografia no textu sira nee iha nafatin Sam Parr nia komputador laran wainhira militar sira kaer ona nia.

Juiz husi tribunal hateten katak fotografia no textu nebe Sam Parr posting iha Facebook hamosu ona difamasaun ba monarkia no kontra artigu 112 husi kodigu penal (lei Anti-Royal Insult).

Sam Parr mos hetan hetan kastigu tamba utiliza sala sistema informatiku kontra lei Computer Crimes Seksaun 14, lei Thailandia nian.

FO KOMENTARIU