Japaun Hakarak Produz Medalia Olimpiku Ho Telefone Modelu Antigu

30

(boletim24.com) – Medalia Olimpiku iha 2020 sei produz husi telefone modelu antigu sira.

Japaun halo ona konfirmasaun katak sei halo resiklajen ba telemovel antigu sira hodi produz medalia ba Jogus Olimpiku no Paralimpiku iha tinan 2020, wainhira Japaun mak sei sai uma nain ba eventu boot rua nee.

Japaun hahu husu ba sidadaun sira atu oferese telemovel modelu antigu sira nebe la uza ho intensaun atu halo medalia ho total rihun 5.

Hahu iha fulan Abril, sei hahu prepara kaixa iha eskritoriu sira inklui iha loja telemovel sira iha teritoriu tomak iha Japaun atu kolekta material ou telemovel antigu sira nee.

Ida hanesan projetu nebe Japaun halo atu promove sustentabilidade no halo resiklajen ba material sira nebe iha metal valiozu.

“Rekursu iha ita nia rai limitadu, tan nee halo resiklajen ba material sira nee sei tulun ita prezerva ita nia ambiente”, hateten diretor desportu ba Jogus Olimpiku 2020 TOkyo.

FO KOMENTARIU