Antonio Guterres Husu Ba Donald Trump Atu Anula Dekretu Anti-Imigrasaun

73

(boletim24.com) – Sekretariu-Jeral ONU, Antonio Guteres konsidera katak presidenti Donald Trump nia dekretu nebe bandu sidadaun husi nasaun balu atu tama ba Estados Unidos America, viola ona prinsipiu baziku diretus umanus nian.

Sekjen husi Portugal nee konsidera katak dekretu nebe bandu sidadaun no refujiadu husi nasaun sira nebe maioria musulmanu atu tama ba EUA la dun efetivu, se karik ninia objetivu mak atu evita terorista tama iha Estados Unidos.

“Dekretu ida nee tenki retira lalais”, Guterres hateten ba jornalista sira iha sede ONU, iha Nova Iorque.

Donald Trump nia dekretu hodi bandu sidadaun musulmanu tama ba EUA hetan ona reasaun no protestu oin oin iha nasaun barak.

Empreza teknolojia boot sira iha EUA hanesan Google, Facebook, Netflix, Apple no seluk seluk tan halo mos protestu ba presidenti foun EUA nee nia desizaun.

Imigranti barak mak servisu hela empreza teknolijia sira nee iha EUA.

FO KOMENTARIU