Iris Mittenaere Husi Fransa Mak Miss Universe 2016

19
Iris Mittenaere, Miss France, manan titulu Miss Universe 2016

(boletim24.com) – Iris Mittenaere nebe mos hanesan Miss France elita nudar Miss Universe ba tinan 2016, hodi troka Miss Universe 2015 Pia Wurtzbach (Miss Filipina), liu husi serimonia nebe halao iha Fiipina.

Miss Universe 2015 usi Filipina, Pia Wurtzbach, tau koroa Miss Universe ba Iris Mittenaere nudar Miss Universe 2016

Iris Mittenaere konsegue manan koroa Miss Universe maske hetan konkorensia forti husi Miss Haiti, Raquel Pelissier, no Miss Colombia Andrea Tovar.

Miss France, tinan 23, sempre mehi atu sai Miss Universe, no ninia mehi agora sai duni ona realidade, maske nia rasik senti hakfodak wainhira hare rejultadu ida nee.

“Miss Universe mak hau nia mehi. Feto hotu hotu hakarak atu sai Miss Universe”, Iris Mittenaere dehan ba media sira nebe marka prejensa iha serimonia Miss Universe ba dala 65 nee.

Ho rejultadu ida nee, Fransa hetan ona tituu Miss Universe ba dala 2, hafoin liu tiha tinan 64.

FO KOMENTARIU