Kuartu Otel Furak “Open-Air” Iha Foho Tutun Iha Swiss

50

(salvioonline.com) – Gestor Otel iha Swiss, estabelese Kuartu Otel nebe la hanesan ho kuartu bai bain, nebe lokaliza iha foho Alpes tutun.

Kuartu Otel ‘open-air‘ ho naran Null Stern nee la iha paredi, kakuluk no haris fatin. Atu bele ba haris fatin, presija lao tun foho ho distansia lao minutu 5 nia laran.

Husi Kuartu Otel anin livre nee bele hare panorama furak husi foho Alpes tutun no hare fitun furak iha tempu kalan.

Hanesan iha otel normal, Kuartu Otel uniku nee mos iha Room Service nebe prontu atu fo tulun ba bainaka wainhira presija.

Room Service sempre prontu hodi prepara hahan ba ninia bainaka, inklui han kalan no matabixu.

Kuartu uniku nee iha deit kama ba bainaka sira utiliza hodi deskansa.

Null Stern hahu lansa ba publiku iha fulan Julhu 2016 no iha ona bainaka nebe halo rezerva ba kuartu nee.

Tamba, pedidu husi bainaka nebe barak, mak jestor husi Otel nee servisu hamutuk ona ho ajensia turista nian atu bele estabelese Kuartu Otel ‘open-air‘ nee iha rejiaun seluk iha Swiss.

Se karik hakarak rezerva Kuartu Otel anin livre nee bele klik Iha Nee.

FO KOMENTARIU