Kaben Duranti Tinan 3 Lahetan Oan, Laen Oho Nia Fen

288
Violensia domestika iha Bekasi, Indonesia, halo fen mate ho maneira violentu

(salvioonline.com) – Tamba deit kaben duranti tinan 3 fen seidauk hetan oan, laen oho nia fen wainhira sira halao hela relasaun intima.

Media husi Indonesia haktuir katak, feto nee mate ho maneira violentu tamba nia laen rasik mak sona ninia area intima ho tijoura ho naruk sentimetru 32, nudar kastigu ida ba nia tamba nia la hetan oan.

Hahalok violensia domestika nee akontese iha Bekasi, Indonesia, iha Domingu, loron 22 Janeiru 2017. Feto Vitima ho naran Astuti, tinan 25 kaben ona duranti tinan 3 ho nia laen Amrol, tinan 27, maibe seidauk hetan oan hela deit.

Baseia ba kronolojia nebe media husi Indonesia haktuir, iha mais ou menus tuku 11:00 suspeitu husu ba nia fen hodi halo relasaun intima ho nia.

Wainira sira halao hela relasaun intima nee, vitima kualia ba nia laen katak nia la iha forsa atu bele hetan oan, maske suspeitu nee rasik fiar katak nia fen mak la bele hetan oan.

Liu husi diskuti malu ida nee, Amrol nebe nervozu ona hamrik hodi foti tijoura nebe rai besik hela iha fatin sira halo relasaun intima no sona kedas ba nia fen nia area intima too iis kotu.

Wainhira too ona iha polisia sira nia oin, Amrol konfesa katak nia hirus no vitima merese hetan astigu ida nee tamba la konsegue fo oan ba nia.

Nia mos haktuir ba polisia katak nia senti moe tamba wainhira sira halao dau daun relasaun intima, nia fen dehan fali ba nia katak nia la iha forsa hodi bele hetan oan. Tamba senti ofendidu mak Amrol mos nervozu no sosa nia fen nia area intima ho tijoura too iis kotu.

Ho nia hahalok violentu nebe hasai ema seluk nia vida, mak Amrol iha posibilidade boot sei hetan sansaun prizaun perpetua.