Estudante Nain 78 Estajiu Iha Batugade

53

(salvioonline.com), DILI – Prosesu estajiu nu’udar parte ida husi atividade akademiku ne’ebe bele fasilita estudante sira atu oinsa bele hatene kona – ba assuntu ruma.

Nune’e, Universidade Dili (UNDIL) haruka ona estudante hamutuk nain 78 hosi departementu relasaun internasional ba hala’o estajiu iha fronteira Batugade hodi apoiu konaba serbisu administrasaun. Tanba ema barak la’o ba – mai ne’e ilegal hela. entaun oinsa sira bele hare didi’ak atu nune’e prosesu ne’e bele la’o tuir regra konstituisaun nian. Ida ne’e mak sira sei ajuda hodi implementa iha sira nia estajiu iha fronteira.

“Ami haruka estudante 78 hosi departementu relasaun internasional hodi ba hala’o estajiu iha fronteira ne’eba atu kolabora ho sira fronteira tanba durante ne’e ita nia estudante sira hetan ona teoria iha universidade entaun sira sei hala’o pratika iha terenu”, hatete Reitór UNDIL, Estevão Belo ba Jornalista sira iha salaun UNDIL Mascarinhas – Dili, foin lalais.

Belo hatutan, estudante sira ba hala’o iha fronteira ne’e balu sei foti ba skripsi nian no balun sai hanesan dokumentu universidade nian atu nune’e aban – bain rua estudante sira tuir mai ne’e utiliza hodi estuda fali.

Iha fatin hanesan, reprezentante estudante estajiadu, Isabel Vilanova hatete, senti kontente tebes ba oportunidade ne’e. Tanba estajiu ne’e la’os hare de’it ba fatin ne’ebé mak besik liu iha rai laran, maibe presiza mós buka fatin ba estudante estajiariu sira ne’e hodi ba hala’o estajiu iha fronteira nian hodi bele aprende kondisaun iha area fronteira nian.

Estudante hirak ne’e hahu sai husi Dili iha loron 10 fulan Janeiru 2017 no sira sei remata sira nia estajiu iha loron 29 fulan ida ne’e nia laran. (ino)

FO KOMENTARIU