Valor OJE 2017 ba SEPFOPE Iha Redusaun

105
Diretor Jeral SEPFOPE, Jacinto Barros Gusmão

(salvioonline.com), DILI – Iha tinan 2016, Sekretariu Estadu ba Politika Formasaun Profisional no Empregu (SEPFOPE) hetan osan hamutuk miloens U$ 13, maibe tinan ida ne’e hetan de’it miloens U$ 8.3, tanba rajaun tinan politika.

“Tinan 2017 ne’e tinan politiku tanba ne’e mak OJE iha redusaun, maibé iha tinan 2016 ami iha miloens U$13. Tinan ida ne’e tuir envelope fiskal SEPFOPE hetan miloens U$8.3”, hatete Diretór Jeral SEPFOPE, Jacinto Barros Gusmão ba jornalista sira iha nia serbisu fatin SEPFOPE Caicoli – Dili, foin lalais.

Jacinto hatutan, miloens $8.3 ne’e fahe fali ba bem servisu ho kapital menor kuaze miloens U$ 3 resin hafoin ba programa empregu rural kona – ba transferensia públiku ne’e hamutuk miloens U$ 5 ne’e fahe ba programa estrada rural, turismu komunitaria nomos programa formasaun.

“SEPFOPE konsidera programa sira ne’e importante tebes hodi implementa iha tinan 2017 ne’e maibé mós SEPFOPE hetan orsamnetu hosi Fundu Dezemvolvimentu Capital Humanu (FDCH) kuaze miloens U$2 hodi fo apoiu ba sentru formasaun sira mas ida ne’e latama iha SEPFOPE nia liman,” nia esplika.

Osan miloens U$ 2 ne’e FDCH transfere direta ba ba iha sentru formasaun sira ne’ebé akreditadu mak hamutuk 18 iha rai laran. Lolos ne’e iha sentru akreditadu 25, maibe halo bazeia avaliasaun katak sei fo prioridade ba sentru formasaun 18 de’it.

“Tanba uluk sentru formasaun sira ne’e hetan fundus hosi governu maibé sentru balun seidauk hetan no sei hadia sira nia jestaun nomos sentru hodi tinan oin mai bele apoiu atu nune’e tenke fo formasaun ba joventude sira,” esplika Jacinto.

Nia hatutan, SEPFOPE iha programa importante ha’at (4). Ida mak formasaun profesional, empregu bainhira sira tuir formasaun ona tenke hetan servisu, area laboral ne’e ba empregu ninian katak oinsa ema hetan ona servisu maibé hetan problema nafatin entaun oinsa halo relasaun entre traballador no kompañia sira atu oinsa bele rezolve ho di’ak, nomos iha orsamentu hodi oinsa dezemvolve kapasidade funsionariu sira nian no SEPFOPE mós iha programa atu hamenus dezempregu iha rai laran.

Jacinto dehan, numeru dezempregu iha Timor Leste ne’e bo’ot tebes kuaze pursentu 11 nomos agora dezempregu intelektual hosi graduante universitariu sira barak tebes hamutuk rihun ha’at ida ne’e para oinsa sira iha skiil naton maibé atu hetan servisu ne’e mak atu hamenus dezempregu iha programa importante haat ne’ebé mak SEPFOPE hala’o.

Programa ida ne’ebé mak mosu hosi politika SEPFOPE nian, oinsa atu atrai investor sira hodi bele tama mai iha Timor Leste atu loke kampu traballu nomos investor nasional sira tantu rejional sira tanba problema hela ho rai no kreditu ne’e mak ladun loke kampu traballu nomos investimentu publiku projetu governu nian sira ne’e sei bele absolve ka simu traballador Timoroan sira labele fo ba traballador ne’ebé mai hosi rai liur deit. (ino)

LEE TUTAN
FO KOMENTARIU