Oinsa Salva Telemovel Nebe Monu Tama Be Laran?

114

(salvioonline.com) – Se mak la senti tristi wainhira ninia telemovel monu tama tiha ba bee laran?

Senti tristi, stress, atu tanis sal sala, hakilar hanesan ema bulak, no seluk seluk tan mak ita nia reasaun wainhira akontese sorti aat ida nee.

La iha ema ida mak bele hatene lolos estragus saida mak sei akontese ba telemovel nee wainhira monu ba be laran.

Maibe, pelu menus ita bele halo netik buat ruma hodi karik bele salva telemovel nee.

1 – Asaun dahuluk nebe tenki foti mak presija hasai lalais telemovel nee husi bee laran.

2- Desliga ou hamate kedas telemovel nee, se karik telemovel nee sei moris maske monu tama ona ba bee laran.

3 – Hasai lalais bateria husi telemovel nee, tamba bateria mak armazena no fornese eletrisidade ba telemovel. Wainhira ita hasai bateria ho lalais bele evita ona estragus boot ruma nebe bele akontese ba telemovel nee.

KARIK GOSTA MOS ARTIGO SIRA NEE:

# Ar Nebe Sai Husi Vagina Duranti Relasaun Intima: Nee Saida No Oinsa Akontese?
# Antes Halo Relasaun Intima, Labele….
# Tuir Psikologa, Masturbasaun Bele Aumenta Feto Nia Vontade Halo Relasaun Intima
# Aviaun Halo Aterajen Emerjensia Tamba Vagina

4 – Hasai Sim Card, kartaun memoria no seluk seluk tan nebe bele hasai husi telemovel nee. Sasan sira nebe hasai ona husi telemovel nee tenki rai iha fatin ketak ida hodi hamaran bee nebe kona.

5 – Hatama telemovel nee ba foos iha saco laran ou tau foos iha fatin ketak ida no hatama telemovel nee ba laran. Husik telemovel nee iha foos laran duranti loron 3 atu bele maran didiak. Wainhira ita rai telemovel iha foos laran, mak sei hamaran didiak telemovel nee husi laran.

6 – Liu tiha loron 3, hamoris fali telemovel nee, no karik iha sorti diak, telemovel sei funsiona normal fila fali.

Esforsu tomak ita halo ona atu bele salva telemovel nebe monu tama ba bee laran ho esperansa katak bele funsiona normal fali.

Maibe se karik, telemovel nee la funsiona nafatin, entaun la iha tan ona dalan seluk, tamba esforsu tomak ita halo ona atu bele salva nia….

FO KOMENTARIU