Donald Trump: “La Iha Dispozitivu Informatiku Ida Mak Seguru Iha Mundu”

59

(salvioonline.com) – Duranti iventu pasazen tinan tuan iha Nova Iorque, prezidenti eleitu Estados Unidos America Donad Trump fo avizu ba bainaka sira nebe marka prejensa iha ninia festa anual katak la iha sasan informatiku (komputador) ida iha mundu mak seguru.

Donald Trump propoin katak, ba informasaun sira nebe konfidensial no sensitivu, dalan diak liu mak hakerek deit karta no haruka tuir ema (portador) duke haruka liu husi email iha internet.

Prezidenti eleitu nee mos hateten katak nia dala ruma deit mak utiliza email no sasan eletroniku sira hodi fahe informasaun ba ema seluk.

“Se karik o iha informasaun nebe importanti liu, hakerek deit karta no haruka tuir ema, hanesan tempu uluk. Hau dehan ba imi: La Iha Komputador Ida Mak Seguru”, Trump hateten.

Trump kualia bei beik ona kona ba Cybersecurity iha iventus oin oin. Nia sempre kestiona potensia vulnerabilidade husi redi informatiku.

Peritu sira kona ba Cybersecurity fiar kata Trump nia deklarasaun ida nee bele hamosu risku ba dadus privadu no governu nian.

Trump mos dehan katak nia iha konhesimentu aas kona ba hacking. Tuir nia hanoin, tamba difisil atu deskobre no hetan evidensia kona ba hacking, tan nee ita la presija hatudu lliman ba ema ou ajensia seluk.

LEE KOMPLETU