Parlamentu Cuba Aprova Lei Nebe Bandu Utiliza Fidel Castro Nia Imajen No Naran Iha Fatin Publiku

182

(salvioonline.com) – Iha Tersa-Feira, loron 27 Dezembru 2016, Parlamentu Cuba halo aprovasaun ba lei nebe bandu utiliza lider historiu nebe mate iha loron 25 Novembru liu ba, Fidel Castro nia naran no nia imajen ba fatin publiku sira iha Cuba.

Ajensia Notisia Cuba nian fo sai notisia katak duranti sesaun ikus husi Asembleia Nasional Cuba ba tinan 2016, nebe lidera husi Raul Castro, deputadu hamutuk ema nain 600 resin halo aprovasaun ba instrumentu juridiku nebe fo baze legal hodi halo tuir vontade husi Fidel Castro “El Comandante” nebe lakohi atu utiliza nia imajen no naran iha fatin publiku no edifisiu importanti sira iha Cuba.

Fidel Castro hatoo nia vontade nee iha momentu ikus antes ‘El Comandante’ hakotu iis iha loron 25 Novembru, ho tinan 90.

El comandante nia dezeju ida nee haktuir husi atual presidenti Cuba nebe mos nudar Fidel Castro nia alin, Raul Castro, iha loron 3 Dezembru, duranti serimonia despedida ida iha sidade Santiago de Cuba, loron ida antes hakoi El Comandate nia restos mortais, nebe ukun Cuba duranti kuaze tinan 50, husi tinan 1959 too 2006.

FO KOMENTARIU