Iha Planu Atu Hola Kareta Segunda Maun? Lee Artigu Tuir Mai!

142

(salvioonline.com) – Wainhira ita hakarak iha kareta privadu maibe ‘osan’ la too, opsaun diak liu nebe dala barak ita hili mak hola kareta segunda maun.

Maske kareta segunda maun dala barak faan ho folin baratu, maibe presija konsidera pontu importanti sira tuir mai, molok hasai osan hola kareta nee:

1. Tinan Manufaktura

Presija hare kareta nee produz iha sa tinan. Diak liu hola kareta segunda maun nebe produz husi tinan 2000 mai leten.

Tamba, tinan manufaktura alein fo influensia ba kareta nia kondisaun, kareta nebe tuan liu ona dala barak la iha ona spare parts nebe disponivel iha merkadu.

2. Dokumentus Kareta Nian

Presija verifika se kareta segunda maun nee iha dokumentus nebe kompletu, hanesan STNK no Karta Inspeksaun.

3. Presu Nebe Razoalvel

Kareta segunda maun nebe faan ho folin nebe baratu liu ou karun liu presija hare didiak. Diak liu ba verifika modelu kareta nee nia presu lolos iha dealer seluk ou bele mos hare nia presu online iha website iha internet no halo komparasaun.

# D’ACADEMY ASIA 2: MASKE LA TAMA GRAND FINAL MARIA VITORIA MAK KAMPIAUN BA TIMOR-LESTE

Se karik kareta nee faan ho folin nebe baratu liu, kuaze metade husi folin kareta foun nian, entaun tenki hare se nain faan urjenti ou lae? Se lae entaun tenki hare tamba dala ruma kondisaun kareta nee la dun diak ona, liu liu kareta nia motor (mesin).

4. Verifika Kondisaun no Kilometrazen Kareta Nian

Wainhira gosta ona kareta segunda maun ida ho hakarak ona atu hola, tenki hare kondisaun motor (mesin) no kilometrajen husi kareta nee.

Se karik la dun komprende kona ba kondisaun kareta nian, bele bolu, mekaniku, ou kolega ou familia ruma nebe komprende kona ba kareta nia kondisaun hodi ajuda verifika kareta nee.

Maske folin baratu, presija atu hare katak kondisaun motor kareta nian sei diak hela.

5. Gastu Mina ou Lae?

Presija hare mos se kareta segunda maun nee konsumu makaas mina ou lae?

Dala barak, kareta segunda maun konsumu makaas tebes mina tan nee presija tau atensaun ba pontu ida nee.

Tamba se karik hola kareta segunda maun nebe konsumu tebes mina, ida nee sei fo impaktu makaas ba despeza lor loron nian ba kareta nee.

Agora Prontu Ona Atu Sosa Kareta. Boa Sorte!

FO KOMENTARIU