D’Academy Asia 2 Top 5 Result Show: Muzika ‘Bumi Semaking Panas’ Lori Maria Vitoria Ba Top 4

272

(salvioonline.com) – Maria Vitoria aprende lisaun boot wainhira tersenggol iha faze top 9. Momentu neba Marvi Lovers no Timor Oan tomak tristi tamba perola Timor-Leste nian nee la konsegue hakat ba faze top 6.

Maibe, Maria Vitoria sorti boot tamba hetan oportunidade hodi hatudu tan nia kapasidade liu husi faze wildcard, hodi kompete ho konkorenti seluk nebe mos tersenggol ona iha faze anterior, hanesan Ihsan Taore (Indonesia), Duo ALvin (Indonesia), Amy Fara (Thailandia) no Rojer Kajor husi Malasya, hodi hadau fatin ida ba faze top 5.

Liu husi atuasaun espetakular nebe Maria Vitoria hatudu iha faze wildcard, Maria Vitoria ikus mai hakerek istoria iha palku Indosiar nian, liu husi halakon konkorenti forti nain 4 husi Indonesia (Ihsan no Duo Alvin), Malasya (Roger) no Thailandia (Amy Farah), hodi manan tiketi ida ba faze top 5.

Iha faze top 5, Maria Vitoria kontinua hatudu atuasan fantastika. Komentador no Juri sira gava teb tebes Marvi nia progresu diak. Maria nia esforsu tomak fo rejultadu diak tamba dala ida tan nia konsegue hakat dook liu tan, hakat ba faze top 4.

# PADRE HARUKA IMAJEN SEXU NIAN BA FETO IHA FACEBOOK

Ita hotu hein katak Marvi sei hakat dook liu tan, no la imposivel katak Maria Vitoria mos bele sai kampiaun ba kompetisaun dangdut prestijiu nee.

Hare ba Maria nia talentu no esforsu nebe nia hatudu ona, esperansa no mehi sai kampiaun laos buat nebe imposivel atu alkansa.

Proverbiu portugues dehan “a esperança é a última que morre”. Timor-Leste la lakon esperansa ba Maria Vitoria.

FO KOMENTARIU