Aplika konselhu 9 nee wainhira sei iha mais ou idade 20 no bele sai milionariu wainhira idade too ona 30 ba leten.

39

Salvio Online, Iha ekonomia merkadu livre, ema ida idak bele halo osan barak konforme nia hakarak, haktuir milionariu Steve Siebold nebe mos halo estudu ba ema riku liu iha mundu hamutuk nain 1,200.

Ita labele garanti katak sei sai milionariu, maibe halo tuir konselhu sira tuir mai sei la prejudika ita nia opurtunidade.

1. Focus Hetan Osan
Grant Cardone hateten, etapa dahuluk mak focus atu aumenta ita nia income.

2. Dezenvolve Fluxu Multiplu husi Income (Aliran Pendapatan)
Maneira ida atu hetan osan barak liu tan mak aumenta fluxu husi rendimentu, laos hetan osan husi fatin ida deit.

Thomas C. Corley, liu husi estudu nebe nia halo durante tinan 5 nia laran, deskobre katak milionariu sira sempre dezenvolve fluxu husi sira nia rendimentu: 65% iha fluxu 3 (hetan osan husi fatin 3, red), 45% iha fluxu 4 no 29% iha fluxu 5 ba leten.

Tomas hatutan katak fluxu 3 husi rendimentu, hanesan numeru majiku ba milianariu sira, maibe se karik ita bele kria fluxu barak liu tan iha ita nia moris, mak ita nia finansiamentu sei seguru liu tan.

3. Poupa Osan atu investe, laos poupa hodi rai deit.
Grant Cordone hateten katak razaun ida husi poupa osan mak atu halo investimentu.

4. La bele Gasta Osan Arbiru
Cardone hateten: “Hau lahola kareta luxu ou relojiu luxu too hau nia negosiu no investimentu produz fluxu multiplu nebe seguru ba hau nia rendimentu/income”. “Hau nafatin uza kareta simples maske hau milionariu ona”.

“Sai konhesidu tamba ita nia etika servisu, laos tamba sasan nebe ita hola”.

5. Muda Mentalidade kona ba Osan
Milionariu Steve Siebold esplika “Atu sai riku hahu husi maneira ita hanoin no ita nia fiar kona ba hetan osan”.

6. Halo Investimentu iha ita nia aan.
Tucker Hughes, nebe sai milionariu ho tinan 22, dehan: “Investimentu seguru liu nebe hau halo mak ba hau nia futuru”.

“Hatoman aan lee buat ruma nebe importante durante minutu 30 lor loron, rona informasaun relevante durante lori kareta, no buka mentor nebe diak hodi ajuda”.

Ita labele domina deit ita nia area servisu, maibe tenke hatene mos area seluk maske politika, finansa, ou desportu. Buka nafatin atu aprende buat hotu.

7. Defini Objetivu/Metas no Hakaas Aan atu alkansa
Milionariu T. Harv Eker dehan “Se karik hakarak atu hetan osan barak liu tan, ita tenki iha objetivu nebe klaru no iha planu espesifiku atu atinji objetivu ida nee”.

“Osan sei la mai mesak, ita tenke servisu atu hetan. Razaun numeru 1 husi ema barak tebes mak la konsegue hetan saida mak sira hakarak tamba sira lahatene saida mak sira hakarak”.

8. Hahu sai ho ema nebe ita Admira
Siebold hateten “halo kontaktu ho ema nebe susesu liu ita, iha posibilidade habelar ita nia hanoin no bele hasae ita nia rendimentu”.

“Realidade hatudu katak milionariu sira iha hanoin nebe diferenti kona ba osan kompara ho ema klase/nivel media, tan nee ita sei hetan experiensia barak wainhira hamutuk ho sira”.

9. Milhaun $10 laos Milhaun $1
Cardone hateten “Falhansu boot nebe hau halo mak la defini meta/objetivu nebe boot liu. Tan nee hau fo karajen ba imi atu defini objetivu liu husi milhaun $1. Osan la menus iha mundu, maibe ema uituan deit mak iha hanoin aas.

FO KOMENTARIU