Bolseiru Timor Oan iha Brazil involve iha ekipa peskiza sientifika nebe utiliza kafe Uut hodi halo purifikasaun ba bee

304

Siensia, SALVIO ONLINE – Juliao Pereira, hasai doutoramentu iha area Quimica, iha Instituto de Quimica husi Universidade Federal de Goias, Brazil.

Juliao hola parte iha ekipa husi Universidade Federal Goias hodi halao peskiza nebe dezenvolve ho objetivu atu fornese agua potavel (bee hemu) liu husi meiu filtru nebe utiliza kafe uut.

Peskiza nee rasik xefia husi profesor Nelson Roberto Antoniosi Filho, husi Brazil.

Alem dezenvolve filtru utiliza kafe uut hodi halo purifikasaun ba bee, projetu ho naran BIOTIMOR nee, sei halo mos produsaun biodiesel no aromatizantes/perfume.

Peskiza ida nee mos sei aplika iha Timor-Leste hodi bele hamenus problema boot kona ba asesu ba bee mos iha populasaun sira. Juliao Pereira, nebe mos nudar responsavel ida iha ekipa peskiza nee, hakarak atu aplika rezultadu husi sira nia peskiza iha Timor-Leste liu husi halo parseria ho governu.

Peskizador sira mos iha esperansa boot katak, peskiza ida nee sei bele aplika iha nasaun seluk, alem Brazil no Timor-Leste.

FO KOMENTARIU