Tau Telemovel Iha Kalsa Bolsu Perigozu Ba Saude

104

Ema barak bai bain tau telemovel iha kalsa bolsu. Maibe, afinal habitu ida nee sei hamosu perigu oi oin ba saude, liu liu ba mane sira.

(salvioonline.com) – Telemovel, iha momentu agora, sai feramenta nebe ema hotu presiza tebes iha moris lor loron nian. Telemovel sai nesesidade prinsipal ba kuaze ema hotu-hotu no sempre lori tui tuir maske atu deskansa ona iha kalan.

Telemovel rasik iha nia modelu no tipu oin oin, hahu husi medida kiik oan too boot.

Tan nee ba telemovel ho medida boot, presiza fatin atu rai tamba todan atu kaer durante tempu naruk. Kalsa ou faru bolsu sai alternativa nebe ema barak utiliza atu rai telemovel sira nee. Maibe, ema barak la dun komprende perigu nebe hamosu husi rai telemovel iha kalsa bolsu bei beik no durante tempu naruk.

Perigozu wainhira tau telemovel iha kalsa bolsu
Perigozu wainhira tau telemovel iha kalsa bolsu

Tau telemovel iha kalsa bolsu pratiku liu, maibe bele hamosu perigu oi oin, liu liu ba mane sira. Ifeitu negativa husi habitu nee mak radiasaun husi telemovel sei hatun kualidade husi sperma. Ida nee akontese tamba, iha kalsa bolsu pozisaun telemovel besik liu ba orgaun genital mane nian.

Radiasaun husi telemovel alem hatun kualidade sperma, sei hamenus mos kuantidade produsaun husi sperma rasik. Tan nee, ba mane klosan sira habitu ida nee perigu tebes tamba sei fo impaktu ba prosesu reprodusaun, nunee kuandu hakarak atu harii uma kain sei hamenus probabilidade atu hetan oan.

Hanoin ida nee sai asuntu global no iha peskiza barak nebe halao ona liu husi sampel oin oin. Maibe, parte balu sei duvida ho hanoin katak radiasaun bele estraga sperma husi mane sira. Maibe, tuir mediku sira, radiasaun husi telemovel perigu tebes duni ba ema nia saude.

Perigozu wainhira tau telemovel iha kalsa bolsu
Perigozu wainhira tau telemovel iha kalsa bolsu

Wainhira lori telemovel ba fatin nebe rede (‘signal‘) la dun forte, mak radiasaun husi telemovel sei forte liu tan, tamba telemovel sei servisu makaas atu buka rede / signal. Too agora peritu sira sei kontinua halo peskiza kona ba impaktu nebe hamosu husi tau telemovel iha kalsa bolsu.

Iha 2011, WHO fo sai deklarasaun ida katak, radiasaun husi telemovel deskunfia iha KARSINOGEN 2B nebe bele hamosu moras perigozu hanesan kankru / cancer.

Maske sei kontinua iha diferensa ideia kona ba assuntu nee, mediku sira konkorda katak diak liu tan evita habitu tau telemovel iha kalsa bolsu, tamba indiretamente bele hamosu moras oin oin ba ita nia saude.