Kazu Atake virus Zika iha Singapura hamutuk 258

31

Total kazu virus nebe provoka husi susuk ZIKA iha singapura sae ona ba total hamutuk 258, iha segunda loron 5 Setembru. Total kazu nee aumenta bei beik hafoin iha segunda semana kotuk autoridade sira fo sai informasaun katak iha ona kazu hamutuk 41.

SALVIO ONLINE – Autoridade Saude Singapura nian konfirma katak vijilansia laos halo deit iha area ida, maibe tuir predisaun virus nee hahu hadaet ona ba area seluk, tan sira sei halo antisipasaun ba teritoria tomak.

Liu husi deklarasaun ofisial, ministeriu saude Singapura fo konfirmasaun katak sira hetan tan ona kazu foun hamutuk 16. Entre kazu sira nee, kazu 4 akontese fila fali iha area sira nebe fou foun akontese uluk ona.

“Loron ba loron, ami deskunfia katak kazu ZIKA nee hadaet ona ba area sira seluk, tamba iha susuk Aedes iha nee”, haktuir deklarasaun husi ministeriu saude nian.
“Tan nee, ministeriu saude ho ekipa relevantes seluk sei halo ajustamentu ba estratejia hodi kombate Zika hanesan ami halo hasoru kazu dengue.”

Maske Singapura iha padraun aas liu iha Asia kona ba asuntu saude, maibe kazu dengue mos barak nafatin iha neba. Ida nee provoka husi Singapura nia kondisaun atmosfera nebe fasil ba susuk atu moris iha neba.

Kazu Zika barak mak hetan konfirmasaun akontese iha fatin besik sidade ninia iha area Aljuined no Paya Lebar.

Maibe, ministeriu saude Singapura, hateten katak sei la halo izolamentu ba pasiente husi vuirus Zika, tamba iha ifeitu nebe limitadu.

Ekipa relevantes hahu ona halo kontrolu ba susuk. Ministeriu Saude mos hahu ona rega aimoruk susuk ba area nebe afetadu.

Too agora, virus zika detekta ona mosu iha nasaun hamutuk 67. Nasaun balu hanesan Taiwan no Australia halo alerta ba sira nia sidadaun feto isin rua atu labele halo vizita ba Singapura.

Horseik, Filipina mos hatoo ona relatoriu kona ba kazu dahuluk husi virus zika. No Malasia detekta ninia populasaun hetan infeksaun husi virus Zika iha semana kotuk.

FO KOMENTARIU