Papa Francisco nia Homilia durante Misa Kanonizasaun ba Madre Teresa Calcutta

122

“Lia fuan balu nebe Papa Francisco hatoo iha ninia homilia durante misa kanonizasaun ba Madre Teresa, iha domingu loron 4 Setembro 2016, iha Vaticano, Roma, Italia.”

SALVIO ONLINE – Papa Francisco iha ninia homilia durante misa ba kanonizasaun Madre Teresa, nebe ofisial ona nudar SANTA iha igreja katolika, hateten katak ita nia moris nee misteriu ida no ita la iha kbiit atu komprende misteriu ida nee. Sempre iha protagonista rua iha ita nia historia mak: Maromak no Ema. Ita nia responsabilidade mak buka komprende no senti maromak nia hakarak mai ita, no buka atu halo tuir nia hakarak nee iha ita ida idak nia moris. Maibe atu bele halo ida nee, ita ida idak tenke husu ba ita nia aan, “SAIDA MAK MAROMAK NIA HAKARAK MAI HAU?”

Ita tenke husu ba ita nia aan no buka komprende saida mak ita tenke halo hodi halo Maromak kontente. Maromak kontente ho ita nia asaun nebe hanoin maluk seluk nia susar no terus, tamba liu husi tulun no tau matan ba ita nia maluk seluk nebe precisa mak ita bele rekonhese Maromak nia oin nebe la iha ema ida bele hare. Wanhira ita fo assistensia ba ita nia maluk seluk nebe precisa, nee dehan katak ita fo ona buat ruma ba Jesus hodi han no hemu, ita fo hatais ona Jesus, ita vizita no tulun ona Jesus, Maromak nia Oan. Ho lia fuan seluk ita bele dehan katak ita kaer ona Jesus nia isin liu husi ita nia asaun sira nee, asaun hanoin no tulun maluk seluk nebe precisa tebes.

Ita hotu tenke aplika ba asaun konkreta orasaun sira nebe ita sempre reza ho fiar ba Maromak. La iha alternativa seluk ba asaun karidade: sira nebe oferese sira nia aan hodi tulun maluk seluk nebe precisa, maske sira rasik la hatene, sira nee mak hadomi duni Maromak. Responsabilidade nebe maromak fo ba ita ida idak mak VOKASAUN BA KARIDADE, iha nebe nudar kristaun ita ida idak tenke halo tuir iha ita nia moris lor loron, no buka atu haboot liu tan loron ba loron.

FO KOMENTARIU